ވަޒީފާގެ ފުރުޞަތު 

 މަޤާމް

 ޑިރެކްޓަރ (އީ.އެކްސް 1)

 ބޭނުންވާ ޢަދަދު:

 01 (އެކެއް)

 ސެކްޝަން:

 ލީގަލް އެންޑް ޕޮލިޓިކަލް ޕާޓީ ރެގިއުލޭޝަން ސެކްޝަން

 އަސާސީ މުސާރަ:

 މަހަކު 8835.00 ރުފިޔާ (އަށްހާސް އައްސަތޭކަ ތިރީސްފަސް ރުފިޔާ)

 ސާރވިސް އެލަވަންސް:

 މަހަކު 2000.00 ރުފިޔާ (ދެހާސް ރުފިޔާ)

 ލިވިންގ އެލަވަންސް:

 މަހަކު 4000.00 ރުފިޔާ (ހަތަރުހާސް ރުފިޔާ)

 ޚާއްޞަ އެލަވަންސް:

 މަހަކު 3975.75 ރުފިޔާ (ތިންހާސް ނުވަސަތޭކަ ހަތްދިހަ ފަސްރުފިޔާ ހަތްދިހަ ފަސްލާރި)

 ޙާޟިރީ އެލަވަންސް:

 ދުވާލަކު 265.00 ރުފިޔާ (ދުއިސައްތަ ފަސްދޮޅަސް ފަސް ރުފިޔާ) (ޕްރޮބޭޝަން މުއްދަތު ހަމަވުމުން)

 ވަޒީފާގެ ބާވަތް: 

 ދާއިމީ

 މަސައްކަތުގެ ވަގުތު:

 އިލެކްޝަންސް ކޮމިޝަނުގެ ރަސްމީގަޑި އާއި ނުރަސްމީ ގަޑީގައިވެސް މަސައްކަތް ކުރުން.

 ފެންވަރު ނުވަތަ ޝަރުޠު:

1. މަގާމުގެ މަސައްކަތާ ގުޅޭ ތަޢުލީމީ ރޮނގަކުން، ލެވެލް 7 ނުވަތަ 8 ގެ ސެޓްފިކެޓެއް ޙާސިލް ކޮށްފައިވުމާއެކު، މަގާމުގެ މަސައްކަތުގެ ދާއިރާއަކުން، މަދުވެގެން 4 އަހަރު ދުވަހުގެ ތަޖުރިބާ ލިބިފައިވުން. މި ތަޖުރިބާގެ ތެރޭގައި، އެމް.އެސް 4 ރޭންކުގެ މަޤާމެއްގައި މަދުވެގެން 2 އަހަރު ދުވަހުގެ ތަޖުރިބާއާއެކު، މަގާމުގެ މަސައްކަތުގެ ދާއިރާއެއްގައި މަދުވެގެން 2 އަހަރު ދުވަހުގެ ތަޖުރިބާ ލިބިފައިވުން.

ނުވަތަ؛

 2. މަގާމުގެ މަސައްކަތާ ގުޅޭ ތަޢުލީމީ ރޮނގަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 9 އިން ފެށިގެން މަތީގެ ސަނަދެއް ހާސިލްކޮށްފައި ވުމާއެކު، އެމް.އެސް 4 ނުވަތަ އެއްވުރެ މަތީ ރޭންކެއްގެ މަޤާމެއްގައި، ހިންގުމުގެ ދާއިރާއެއްގައި މަދުވެގެން 1 އަހަރު ދުވަހުގެ ތަޖުރިބާ ލިބިފައިވުން.

ނުވަތަ؛

 3. މަގާމުގެ މަސައްކަތާ ގުޅޭ ތަޢުލީމީ ރޮނގަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 9 އިން ފެށިގެން މަތީގެ ސަނަދެއް ހާސިލްކޮށްފައި ވުމާއެކު، އެމް.އެސް 3 ނުވަތަ އެއްވުރެ މަތީ ރޭންކެއްގެ މަޤާމެއްގައި، ހިންގުމުގެ ދާއިރާއެއްގައި މަދުވެގެން 2 އަހަރު ދުވަހުގެ ތަޖުރިބާ ލިބިފައިވުން.

 4. ދިވެހިރާއްޖޭގެ ހައިކޯޓުގައި ވަކާލާތު ކުރުމުގެ ހުއްދަލިބިފައި ވުމާއެކު ކޯޓުތަކުގައި ވަކާލާތުކުރުމުގައި މަދުވެގެން 03 އަހަރު ދުވަހުގެ ތަޖުރިބާ ލިބިފައިވުން.

ނޯޓް:

• ޕްރައިވެޓް ސެކްޓަރގައި މަސައްކަތްކުރިކަމުގެ ލިޔުމެއް ހުށަހަޅާނަމަ ވަޒީފާ އަދާކުރި ތަނަކީ އެސް.އެމް.އީ ކްލެސިފައިޑް ތަނަކަށް ވާންވާނެއެވެ.
• ޓެކްނިކަލް މަޤާމެއްނަމަ، އެ މަޤާމަކަށް ކަނޑައެޅިފައިވާ ޖުމްލަ ތަޖުރިބާގެ މުއްދަތު ހަމަވާންވާނެއެވެ.

މަގާމުގެ މަސައްކަތުގެ ދާއިރާ:

ޝަރީޢާ / ޤާނޫނު

އިތުރަށް ބަލާނެ ކަންތައް:

1. އުމުރުން 18 އަހަރާ 45 އަހަރުގެ އުމުރުފުރައިގެ މީހަކު ކަމުގައިވުން.
2. މައިކްރޯސޮފްޓް އޮފީސް ޕްރޮގްރާމްތައް ބޭނުންކުރަން އެނގުން.
3. ދިވެހި އަދި އިނގިރޭސި ބަހުން ފަރިތަކަމާއެކު މުޢާމަލާތުކުރަން އެނގުން.
4. ސިޔާސީ ޕާޓީއެއްގެ ރަޖިސްޓަރީގައި އެމީހެއްގެ ނަން ހިމެނިފައިވާނަމަ، ވަޒީފާއަށް ހޮވުމުން ޕާޓީން ވަކިވުން.
5. ސިޔާސީ ހަރަކާތެއްގައި ނުވަތަ ސިޔާސީ ޕާޓީއެއްގެ ހަރަކާތްތަކުގައި އިސްކޮށް ބައިވެރިވެ އުޅޭ މީހެއްކަމުގައި ނުވުން.
6. މަޤާމްގެ މަސްއޫލިއްޔަތު އަދާކުރުމުގެ ޤާބިލްކަން ހުރި މީހެއް ކަމަށް އިންޓަރވިއު ޕެނަލަށް ސާބިތުކޮށްދިނުން.

މަސްއޫލިއްޔަތު:

• ސެކްޝަންގެ މަސައްކަތް ހިނގާ ނުހިގާގޮތް ބަލާ މޮނިޓަރކޮށް މަސައްކަތްތައް ބަލާ ފައިނަލް ކުރުން.
• ސެކްޝަންގެ މުވައްޒަފުންނާބެހޭ ކަންތައް ސެކްޝަން ލެވެލްގައި ބެލެހެއްޓުން.
• ކޮމިޝަނުގެ ރަސްމީ ޖަލްސާއިން ނިންމާ ނިންމުންތަކާއި ގުޅިގެން ސެކްޝަނުން ފިޔަވަޅު އަޅަންޖެހޭ ކަމެއް ނިންމާފައިވާނަމަ، ސެކްރެޓްރީ ޖެނެރަލްގެ ލަފާގެ މަތިން ފިޔަވަޅު އެޅުން.
• ލީގަލް އެންޑް ޕޮލިޓިކަލް ޕާޓީ ރެގިއުލޭޝަން ސެކްޝަނުގެ މެންޑޭޓްގައި ބަޔާންކޮށްފައިވާ އެންމެހައި މަސައްކަތްތައް ކަމާބެހޭ ޤާނޫނުތަކާ ގަވާއިދުތަކާ އެއްގޮތްވާ ގޮތުގެމަތިން ކުރިއަށްދާކަން ބަލައި އެކަންކަން ކަށަވަރު ކުރުން.
• ކޮމިޝަނަށް ހުށަހަޅާ ކަންކަމުގައި ޤާނޫނީ ގޮތުން ބަލަންޖެހޭ ކަމެއް އޮތްނަމަ އެކަމެއް ބަލައި ޖަވާބުދާރީވުން.
• ކޮމިޝަނުގެ މަސައްކަތާ ގުޅުންހުރި ޤާނޫނުތައް ދިރާސާކޮށް، ގެންނަންޖެހޭ އިޞްލާޙުތައް ފާހަގަކޮށް، އިޞްލާޙުތައް  ގެނައުމުގެ ގޮތުން ކުރަންޖެހޭ ކަންތައްތައް ކުރުން.
• ކޮމިޝަނުގެ ޤާނޫނީ އިޚްތިޞާޞީ ދާއިރާގައި ހިމެނޭ ކަންކަމުގައި ކޮމިޝަނަށް ޤާނޫނީ ލަފާދިނުން.
• ޝަރުއީ ކޯޓުތަކާއި ޓްރައިބިއުނަލްތަކުގައި ކޮމިޝަނުގެ ފަރާތުން ވަކާލާތުކުރުން.

• އިންތިޚާބުތަކާ ގުޅިގެން ޤާނޫނީ ގޮތުން ކުރަންޖެހޭ އެންމެހައި ކަންކަން ކުރުން.
• ސިޔާސީ ޕާޓީގެ ޤާނޫނުގައިވާ ކޮމިޝަންގެ މަސްއޫލިއްޔަތުތަކުގެ ތެރޭގައި ހިމެނޭ އެންމެހައި ކަންކަން ޤާނޫނުގައި ކަނޑައެޅިފައިވާ އުޞޫލުތަކާއި ތާރީޚްތަކާ އަދި މިނޫންވެސް އެ ޤާނޫގައި ކޮމިޝަނުގެ މަސައްކަތުގެ ދާއިރާގައި ހިމެނޭ ކަންކަން ބަލައި އެކަންކަމާ ގުޅިގެން ކޮމިޝަނުން ހަވާލުކުރާ މަސްއޫލިއްޔަތުތައް އަދާކުރުން.
• ކޮމިޝަނުގެ ސްޓްރެޓީޖިކް ޕްލޭނާ އެއްގޮތަށް ލީގަލް އެންޑް ޕޮލިޓިކަލް ޕާޓީ ރެގިއުލޭޝަން ގެ މަސައްކަތްތައް ކުރިޔަށްދޭތޯ ބަލައި، ސެކްޝަނާ ގުޅުންހުރި ލަނޑުދަނޑިތައް ހާސިލު ކުރުމަށް ކުރަންޖެހޭ މަސައްކަތްތައް ކުރުން. 

• އިސްވެ ބަޔާންކުރެވިފައިވާ ކަންތައްތަކުގެ އިތުރުން ޤާނޫނު ހުއްދަކުރާ ގޮތުގެމަތިން ކޮމިޝަނުން ހަވާލުކުރާ ޒިންމާތަކާއި މަސްއޫލިއްޔަތު ތެދުވެރިކަމާއި އިޚްލާޞްތެރިކަމާއެކު އަދާކުރުން.
• އެކިއެކި ކަންކަމާގުޅިގެން ޤާނޫނީ ލިޔުން ތައްޔާރުކުރުމަށް ބޭނުންވާ ސެކްޝަންތަކުން އެދިއްޖެނަމަ އެކަން ކޮށްދިނުން.
• ކޮމިޝަނުގެ މަސައްކަތްތަކާ ގުޅިގެން ޤާނޫނީގޮތުން ކުރަންޖެހޭ ކަންތައްތައް ސެކްރެޓަރީ ޖެނެރަލްގެ ލަފާގެމަތިން ކުރުން.
• ކޮމިޝަނުގެ މަސައްކަތާގުޅޭ ޤާނޫނުތަކާ ގަވާއިދުތައް ތަންފީޒުވާ މިންވަރު ބެލުމާއި، އެ ޤާނޫނުތަކާއި، ގަވާއިދުތަކާއި، އުޞޫލުތައް އެކުލަވާލުމުގައި ސަރުކާރުން އިލެކްޝަންސް ކޮމިޝަނުން ބޭނުން ހިފާނަމަ އެޤާނޫނަކާ ނުވަތަ އެގަވާއިދަކާ ބެހޭގޮތުން ދޭންވާ ލަފާ ދިނުމާއި، މިކަންކަން ޒަމާނާގުޅޭގޮތަށް އަޕްޑޭޓްކުރުމާއި، މިކަންކަން ހިންގުމުގައި ރައްޔިތުންގެ މަޞްލަޙަތު ފުށުނާރާގޮތަށް ބަލައި ޢަމަލުކުރުން.
• ބޭއްވެމުންދާ އިންތިޚާބުތަކުގެ ތަޖުރިބާއަށްބަލައި ޤާނޫނީގޮތުން އިޞްލާޙު ކުރަންޖެހޭ ކަންތައްތައް ސެކްރެޓަރި ޖެނެރަލްގެ ލަފަޔާއެކު އިޞްލާޙު ކުރަމުން ގެންދިއުން.  އަދި މިކަންކަމަށް ބޭނުންވާ ލަފައާއި އިރުޝާދު ސެކްރެޓަރި ޖެނެރަލް މެދުވެރިކޮށް ކޮމިޝަނަށް ދިނުން.
• އިންތިޚާބުތަކާއި ސިޔާސީ ޕާޓީތަކުގެ ޤާނޫނާއި ގަވާއިދު ތަންފީޒު ކުރުމަށްޓަކައި ކޮމިޝަނުން ކުރަންޖެހޭ ކަންކަން ފާހަގަކޮށް އެކަމާގުޅޭ މަޢުލޫމާތު ސެކްރެޓަރީ ޖެނެރަލްގެ އަދި ސިޔާސީ ޕާޓީތަކާބެހޭ ސެކްޝަން ހެޑްގެ ސަމާލުކަމަށް ގެނައުން.
• އިންތިޚާބުތަކާއި ސިޔާސީ ޕާޓީގެ ޤާނޫނާއި ގަވާއިދު އަޕްޑޭޓްކޮށް ބޭއްވުމަށްޓަކައި ދިރާސާކޮށް އެއަށް ގެންނަން ފެންނަ ބަދަލުތަކުގެ މަޢުލޫމާތު ސެކްރެޓަރީ ޖެނެރަލަށް ލިޔުމުން ހުށަހެޅުން.
• ރައީސުލްޖުމްހޫރިއްޔާ ތަސްދީގް ކުރައްވާ ހުރިހާ ޤާނޫނުތަކުގައި އިލެކްޝަންސް ކޮމިޝަނުގެ ދައުރެއްވާނަމަ އެކަން ސާފުކޮށް ސެކްރެޓަރީ ޖެނެރަލްގެ ސަމާލުކަމަށް ގެނައުން.

• ސަލާމުގައި ހުންނަނަމަ ސެކްރެޓަރީ ޖެނެރަލަށް އެކަން އަންގާ އެދުވަހެއްގައި ނިންމުމަށް ޙަވާލުކުރެވިފައިވާ މަސައްކަތުގެ މަޢުލޫމާތު ޑިވިޜަން ހެޑަށް ދިނުމާއި އެ މަސައްކަތް ކުރެވޭނެ އިންތިޒާމް ހަމަޖެއްސުމަށް ޑިވިޜަން ހެޑަށް ބޭނުންވާ އެހީތެރިކަން ފޯރުކޮށްދިނުން.
• ޗުއްޓީ ނަގާނަމަ، ވަޒީފާގެ މަސްއޫލިއްޔަތުތަކާއި ވާޖިބުތައް ޗުއްޓީގައި ހުންނަ ދުވަސްވަރު އެ މަސައްކަތް ކުރުމާ ޙަވާލުވާ ވެރިއަކަށް އޮޅުން ފިލުވައިދިނުމާއި، މަސައްކަތް ކުރެވޭނެ އިންތިޒާމް ހަމަޖެއްސުމުގައި އެހީތެރިވުމާއި، ޕެންޑިންގައި ހުރި  މަސައްކަތް ލިޔެކިޔުމުން ޙަވާލުކުރުން.
• ކޮމިޝަންގެ މަސައްކަތްތަކާ ގުޅިގެން ސެކްރެޓަރީ ޖެނެރަލް އަންގާ މަސައްކަތްތައް ކުރުން.
• ސެކްޝަންގެ މަސައްކަތްތައް ގޮސްފައިވާ މިންވަރާއި ކުރަންހުރި މަސައްކަތްތައް ބަލައި ކުރިޔަށް އޮތް ހަފްތާއަށް ރޭވުން/ރިވިޔު ތައްޔާރުކުރުން.
• ސެކްޝަނުގެ މަސައްކަތް ހިންގުމަށްޓަކާ ކުރިއަށް އޮންނަ އަހަރުގެ މަސައްކަތު ތާވަލެއް އެކަށައަޅާ އެ ތާވަލާ އެއްގޮތަށް މަސައްކަތްތައް ކުރިޔަށް ގެންދިޔުން.
• ކޮމިޝަނުގެ މަސައްކަތަށް ފަހި މާހައުލެއް ޤާއިމުކުރުން.
• ކުރިޔަށް އޮތް އަހަރަށް ސެކްޝަނާއި ގުޅޭ ކަންތައްތައް ކުރުމަށް ބޭނުންވާ ބަޖެޓު ތައްޔާރުކޮށް ބަޖެޓް ސެކްޝަނަށް ކަނޑައެޅޭ މުއްދަތަށް ފޮނުވުން.

• ރައީސުލްޖުމްހޫރިއްޔާ ތަސްދީގް ކުރައްވާ ހުރިހާ ޤާނޫނުތަކުގައި އިލެކްޝަންސް ކޮމިޝަނުގެ ދައުރެއް ނެތް ކަމުގައި ވީނަމަވެސް މުހިންމު ކަންކަން ފާހަގަކޮށް ސެކްރެޓަރީ ޖެނެރަލްގެ ސަމާލުކަމަށް ގަނައުން.
• ކޮމިޝަނުގެ 619 ވަނަ ޖަލްސާއިން ނިންމަވާފައިވާ ގޮތަށް ކޮމިޝަނުގެ ނިންމުންތަކަށް ފައިލެއް ތައްޔާރުކޮށް، އެ ނިންމުންތައް ބެލެހެއްޓުން.

• ކޮމިޝަނުގެ 617 ވަނަ ޖަލްސާއިން ނިންމަވާފައިވާ ގޮތަށް އެސް.އޯ.ޕީއާއި އުޞޫލުތަކާ އެއްގޮތަށް ސެކްޝަންތަކުގެ މަސައްކަތްކުރުން އަދި އެ ސެކްޝަނެއްގެ މުވައްޒަފުންނަށް އެސް.އޯ.ޕީ އާއި އުޞޫލުތަކާ ގުޅޭ މަޢުލޫމާތު ހިއްސާކުރުން.

ހުށަހަޅަންޖެހޭ ލިޔުންތައް:

1. އިލެކްޝަންސް ކޮމިޝަންގެ ވަޒީފާއަށް އެދޭ ފޯމް
2. ވަޒީފާއަށް އެދޭ ފަރާތުގެ ވަނަވަރު
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީ
4. ތަޢުލީމީ ސެޓްފިކެޓްތަކުގެ ފޮޓޯކޮޕީ (އަޞްލާ އެއްގޮތްކަމަށް ރަސްމީ ފަރާތަކުން ތައްގަނޑު ޖަހާފައިވާ)

 - ރާއްޖޭގައި ރަޖިސްޓްރީކޮށްގެން ހިންގާ މަތީތަޢުލީމުދޭ މަރުކަޒަކުން ކުރިޔަށް ގެންދާ ރާއްޖޭގެ ޕްރޮގްރާމްތަކުގެ ސެޓްފިކެޓާއި ޓްރާންސްކްރިޕްޓްގެ ކޮޕީ (މިފަދަ ސެޓްފިކެޓްތައް އެކްރެޑިޓް ކުރަން ނުޖެހޭނެ އެވެ.) ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީ އާއި ޓްރާންސްކްރިޕްޓްގެ ކޮޕީ،

 - ރާއްޖޭގައި ރަޖިސްޓްރީކޮށްގެން ހިންގާ މަތީތަޢުލީމުދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ އެކްރެޑިޓްކޮށްފައިވާ ސެޓްފިކެޓުތަކާއި ރާއްޖެއިން ބޭރުގެ މަތީތަޢުލީމު ދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ އެކްރެޑިޓްކޮށްފައިވާ ސެޓްފިކެޓުތައް ނުވަތަ ކޯސް ފުރިހަމަކުރިކަމުގެ ލިޔުމާއެކު ކޯހުން ލިބޭ ސެޓްފިކެޓު ވަކި ފެންވަރެއްގައި އެކްރެޑިޓް ކުރެވޭނެކަމަށް މޯލްޑިވްސް ކޮލިފިކޭޝަން އޮތޯރިޓީން ދޫކުރައްވާފައިވާ ލިޔުމުގެ ކޮޕީ އާއި ޓްރާންސްކްރިޕްޓްގެ ކޮޕީ،

 5. މަސައްކަތުގެ ތަޖުރިބާހުރިކަމުގެ ލިޔުން:

 - މަސައްކަތުގެ ތަޖުރިބާހުރި ލިޔުން ހުންނަންވާނީ މަސައްކަތްކުރި މުއްދަތާއި މަސައްކަތުގެ ތަފްޞީލް އެނގޭގޮތަށެވެ.

މިހާރު އަދާކުރަމުންދާ ވަޒީފާއެއްގެ ލިޔުން ހުށަހަޅާނަމަ އެލިޔުމަކީ އެއްމަސް ނުވަތަ އެއަށްވުރެ ފަހުގެ ތާރީޚެއްގައި ދޫކޮށްފައިވާ ލިޔުމަކަށް ވާންވާނެއެވެ.

މަޤާމަށް އެދެންވީ ގޮތާއި ސުންގަޑި:         

މި މަގާމަށް ޝައުޤުވެރިވާ ފަރާތްތަކުން 2025 ފެބުރުވަރީ 3 ވާ ހޯމަ ދުވަހުގެ 15:00 ގެ ކުރިން މި ކޮމިޝަނުގެ ވަޒީފާއަށް އެދޭ ފުރިހަމަ ކުރެއްވުމަށްފަހު، ހުށަހަޅަންޖެހޭ ލިޔުންތަކާއެކު ޕޯރޓް ކޮމްޕްލެކްސް ބިލްޑިންގ 05 ވަނަ ފަންގިފިލާގެ ރިސެޕްޝަނަށް ނުވަތަ ކޮމިޝަނުގެ އީމެއިލް ([email protected]) މެދުވެރިކޮށް ހުށަހެޅުއްވުން އެދެމެވެ. އީމެއިލް ކުރައްވާއިރު ހުށަހަޅުއްވާ ހުރިހާ ލިޔެކިޔުންތައް ހުންނަންވާނީ އެއްފައިލެއްގެ ގޮތުގައި 10mbއަށް ވުރެ ކުޑަފައިލްސައިޒަކަށް އެޓޭޗްކުރެވިފައެވެ. ވަޒީފާއަށް އެދޭ ފޯމު މި ކޮމިޝަނުގެ ރަސްމީ ވެބްސައިޓް www.elections.gov.mv  އިން ލިބެން ހުންނާނެއެވެ.

ނޯޓު: އީމެއިލް މެދުވެރިކޮށް ހުށަހަޅާނަމަ 3004472 އަށް ގުޅުއްވައި އީމެއިލް މި ކޮމިޝަނަށް ލިބިފައިވާކަން ކަށަވަރުކުރަން ވާނެއެވެ. އަދި ދަންނަވަމެވެ. ފައިލްސައިޒް 10mb އަށް ވުރެ ބޮޑުވެގެން މިކޮމިޝަނަށް ނުލިބޭ އީމެއިލްތައް ބެލެވޭނީ ހުށަނާޅާ ފޯމުގެ ގޮތުގައެވެ.

އިތުރު މަޢުލޫމާތު:

 - ފޯމު ބަލައިގަތުމަށްފަހު ސައްޙަ ނޫން މަޢުލޫމާތެއް ހިމެނިފައިވާކަން ނުވަތަ ޝަރުތު ހަމަނުވާކަމަށް ފާހަގަ ކުރެވިއްޖެނަމަ އެފޯމެއް ބާޠިލު ކުރެވޭނެ އެވެ.

 - މި މަޤާމަށް ކުރިމަތިލާ ފަރާތްތަކުގެ ތެރެއިން ޝޯޓްލިސްޓުވާ ފަރާތްތަކާ އިންޓަރވިއު ކުރެވޭނެއެވެ.

 - އަދި ޝޯޓްލިސްޓުވާ ފަރާތްތަކުން، އިންޓަރވިއުއަށް ވަޑައިގަންނަވާއިރު ހުށަހަޅުއްވާފައިވާ ސެޓުފިކެޓުތަކުގެ އަޞްލު ގެންނަވަން ވާނެއެވެ.

 - ވަޒީފާއަށް ކުރިމަތިލާ ފަރާތް އެމަޤާމަކަށް ޝަރުޠު ހަމެވެ އިންޓަވިއު ކުރެވުނު ނަމަވެސް އިންޓަވިއު އަދި ޢަމަލީ ޓެސްޓުން 50% އަށްވުރެ މަތިން މާކްސް ނުލިބޭނަމަ އެމަޤާމަށް ޤާބިލުނޫން ފަރާތެއް ކަމަށް ކަނޑައެޅޭނެއެވެ.

 - މި މަޤާމަށް ހޮވޭ ފަރާތް، ވަޒީފާއަށް ނިކުތުމަށް އުޒުރުވެރިވާނަމަ، އިންޓަރވިއުކޮށްފައިވާ ފަރާތްތަކުގެ ތެރެއިން މާކްސް ތަރުތީބުން އެންމެ އެކަށީގެންވާ ފަރާތަށް ފުރުޞަތު ދިނުމުގެ އިޚްތިޔާރު ކޮމިޝަނަށް ލިބިގެންވެއެވެ.

 - ވަޒީފާއަށް އެދި ހުށަހަޅާ ފޯމު މި ކޮމިޝަނުގެ ރިސެޕްޝަނުން ލިބެން ހުންނާނެއެވެ. އަދި މިކޮމިޝަނުގެ ވެބްސައިޓް www.elections.gov.mv އިންވެސް ޑައުންލޯޑް ކުރެވޭނެއެވެ.

 - މި މަޤާމަށް ހޮވުމަށްފަހު ވަޒީފާއަށް ނިކުތުމަށް އެންމެ ގިނަވެގެން ދެވޭނީ ބަންދު ދުވަސްތައް ހިމަނައިގެން 30 ދުވަހުގެ މުއްދަތެކެވެ.

 - ވަޒީފާއަށް ކުރިމަތިލާ ފަރާތްތަކަށް ކެންޑިޑޭޓް ނަންބަރެއް ދެވޭނެއެވެ. އަދި އެ ނަންބަރު ކުރިމަތިލާފައިވާ ފަރާތްތަކަށް އަންގާނެއެވެ.

 - ވަޒީފާއަށް ކުރިމަތިލާ ފަރާތްތަކަށްދެވޭ އަމަލީ ޓެސްޓާއި އިންޓަރވިއުއަށްފަހު އެފަރާތްތަކަށް ލިބިފައިވާ މާރކްސް އާންމު ކުރާނެއެވެ.

ޑިރެކްޓަރ (އީ.އެކްސް 1) ގެ މަޤާމަށް މާކުސް ދިނުމުގައި ބަލާނެ މިންގަނޑު

 ބައިތައް

 މާކްސް

ތަޢުލީމާއި ތަމްރީނު

40

މަސައްކަތު ތަޖުރިބާ

20

އިންޓަވިޔު

30

ޢަމަލީ ޓެސްޓު

10

ޖުމުލަ

100

ޝޯޓްލިސްޓު ކުރެވޭގޮތް:

 - ކުރިމަތިލާ ފަރާތްތަކުގެ ތެރެއިން ޝަރުޠުހަމަވާ ހުރިހާ ފަރާތްތަކަށް އަމަލީ ޓެސްޓު ދިނުމަށްފަހު، އެ ޓެސްޓުން %50 އިން މަތި ލިބޭ ފަރާތްތަކުގެ ތެރެއިން އެންމެ މަތިން މާކްސް ލިބޭ 10 ފަރާތް ޝޯޓްލިސްޓް ކުރެވޭނެއެވެ.

 - މަޤާމަށް ބޭނުންވާ ޝަރުޠުތަކުގައި ބަޔާންކުރެވިފައިވާ ސެޓްފިކެޓްތަކަށް ވުރެ މަތީ ސެޓްފިކެޓް ހުށަހަޅާފައިވީ ނަމަވެސް، ޝަރުޠުތަކުގައި ބަޔާންކޮށްފައިވާ ސެޓްފިކެޓް ހުށަނާޅާނަމަ، ޝަރުޠު ފުރިހަމަވާ ކަމަކަށް ނުބެލެވޭނެއެވެ. އަދި ޝަރުޠު ފުރިހަމަވާ ފަރާތްތަކުން ކަމާގުޅޭ ދާއިރާއިން ހޯދާފައިވާ މަތީ ސެޓްފިކެޓްތަކަށް، މާކްސް ދެވޭނީ ތަޢުލީމަށް މާކްސް ދިނުމަށް ކަނޑައަޅާފައިވާ ގޮތުގެމަތީންނެވެ. (ޖީ.އެސް 3 އިން ފެށިގެން މަތީ ރޭންކުގެ މަޤާމުތަކަށް)

 - މެނޭޖީރިއަލް ސަރވިސްގެ ގިންތީގެ ވަޒީފާތަކަށް ކުރިމަތިލާ ފަރާތްތައް ޝޯޓްލިސްޓްކުރާނީ ތަޢުލީމާއި، މަސައްކަތުގެ ތަޖުރިބާއާއި، ތަމްރީނާއި، ހުނަރުގެ މާކުހަށް ބެލުމަށްފަހު ލިބޭ މާކުހުގެ މަތީ ތަރުތީބަށް ބަލައިގެންނެވެ.

 - ޝަރުޠު ފުރިހަމަވާ ފަރާތްތަކުން ކަމާގުޅޭ ދާއިރާއިން ހޯދާފައިވާ މަތީ ސެޓްފިކެޓްތަކަށް، މާކްސް ދެވޭނީ ތަޢުލީމަށް މާކްސް ދިނުމަށް ކަނޑައަޅާފައިވާ ގޮތުގެމަތީންނެވެ.