ސިޔާސީ ޕާޓީތަކުގެ ގަވާއިދު އިސްލާހުކޮށް މައި ޕޯޓަލް އިން އީ-ފާސް މެދުވެރިކޮށް ސިޔާސީ ޕާޓީތަކަށް ރެޖިސްޓަރވެވޭނެ ނިޒާމް މިއަދު ޤާއިމްކޮށްފިއެވެ.

 
މި ގެނެވުނު އިސްލާހާއެކު، ސިޔާސީ ޕާޓީއެއްގެ މެންބަރަކަށް ވުމަށް ކުރިން ބޭނުންކުރި "ކަރުދާސް ފޯމު" ގެ ބަދަލުގައި މި ކޮމިޝަނުގެ ޕޯޓަލް "my.elections.gov.mv" އަށް އީ-ފާސް މެދުވެރިކޮށް ފަސޭހަކަމާއެކު ކޮންމެ ބޭފުޅަކަށްވެސް ހުށަހެޅޭނެ އިންތިޒާމް ވަނީ ހަމަޖައްސާފައެވެ.

މި ބަދަލު ގެނައުމުގެ އެންމެ ބޮޑު އެއް މަޤްޞަދަކީ، ސިޔާސީ ޕާޓީތަކަށް މެންބަރުން ވެއްދުމާއި ޕާޓީ ބަދަލުކުރުމުގެ ނިޒާމު ހަރުދަނާކޮށް، ސިޔާސީ ޕާޓީތަކަށް ރެޖިސްޓަރީވުމަށް ފޮނުވާ ހުށަހެޅުންތަކުގެ ޞައްޙަކަން ކަށަވަރުކުރުމަށްޓަކައި، މެންބަރޝިޕްގެ ކަންކަން ޑިޖިޓަލްކޮށް، ޑިޖިޓަލް ނިޒާމެއް ތައާރަފްކުރުމެވެ.