ތަޢާރަފް

މި ޖަލްސާގެ ރިޔާސަތު ބެލެހެއްޓެވީ ކޮމިޝަނުގެ ރައީސް މުޙައްމަދު ޝަކީލެވެ. ޖަލްސާގައި ކޮމިޝަނުގެ 5 މެންބަރުން ބައިވެރިވެ ވަޑައިގެންނެވިއެވެ. އެއީ، ކޮމިޝަނުގެ ރައީސް މުޙައްމަދު ޝަކީލް، ކޮމިޝަނުގެ ކޮމިޝަނުގެ ނައިބު ރައީސް ޢަބްދުއްރަޙްމާން ޞަލާޙް ރަޝީދު، ކޮމިޝަނުގެ މެންބަރު ޙަސަން ޒަކަރިއްޔާ، ކޮމިޝަނުގެ މެންބަރު ޢަބްދުލްޙަސީބު އިސްމާޢީލް އަދި ކޮމިޝަނުގެ މެންބަރު އަލްއުސްތާޛު ރިފްޢަތު ޢަބްދުﷲ އެވެ.

 

މި ޖަލްސާގައި ނިންމާފައިވާ ނިންމުންތައް ތިރީގައި މިވަނީއެވެ.

  1. އޮގަސްޓް 2026 ގެ ޚަރަދު ރިޕޯޓު ކޮމިޝަނާ ޙިއްޞާ ކުރުން.

ފައިނޭންސް ސެކްޝަނުގެ ނަންބަރު:(MEMO)BC/2026/36 މެމޯއިން ކޮމިޝަނަށް ހުށަހަޅައިފައިވާ 2026 ވަނަ އަހަރުގެ އޮގަސްޓް މަހުގެ ޚަރަދު ރިޕޯޓު، ހުށަހަޅައިފައިވާ ގޮތުގެމަތިން ކޮމިޝަނުގެ 937 ވަނަ ޢާންމު ޖަލްސާގައިވަނީ ޙިއްޞާ ކުރައްވައިފައެވެ.

 

   2. އަލަށް ތަސްދީޤުކުރެވޭ ޤާނޫނު ކޮމިޝަނާ ޙިއްޞާ ކުރުން.

އަލަށް ތަސްދީޤުކުރެވޭ ޤާނޫނުތައް ކޮމިޝަނާ ޙިއްޞާކުރުމުގެ ތެރެއިން، ލީގަލް އެންޑް ޕޮލިޓިކަލް ޕާޓީ ރެގިއުލޭޝަން ސެކްޝަނުގެ ނަންބަރު:(MEMO)EA/2026/82 މެމޯއިން، ހުށަހަޅުއްވާފައިވާ އަންނަނިވި ޤާނޫނުތައް ކޮމިޝަނުގެ 937 ވަނަ ޢާންމު ޖަލްސާގައި ވަނީ ޙިއްޞާކުރައްވައިފައެވެ.

· ޤާނޫނު ނަންބަރު: 2026/16 (އެއްގަމު ދަތުރުފަތުރުގެ ޤާނޫނު).

· ޤާނޫނު ނަންބަރު: 2010/3 (ޓެކްސް ނެގުމާބެހޭ އިދާރީ ޤާނޫނު) އަށް 4 ވަނަ އިޞްލާޙު ގެނައުމުގެ ޤާނޫނު.

· ޤާނޫނު ނަންބަރު: 2019/14 (ދިވެހިރާއްޖޭގެ މަސްވެރިކަމުގެ ޤާނޫނު) އަށް 2 ވަނަ އިޞްލާޙު ގެނައުމުގެ ޤާނޫނު.

· ޤާނޫނު ނަންބަރު: 2024/32 (ބޭރު ފައިސާއާބެހޭ ޤާނޫނު) އަށް 1 ވަނަ އިޞްލާޙު ގެނައުމުގެ ޤާނޫނު.

· ޤާނޫނު ނަންބަރު: 2026/12 (ފަޅުރަށާއި ފަޅު ކުއްޔަށްދިނުމާބެހޭ ޤާނޫނު)

· ޤާނޫނު ނަންބަރު: 2019/25 (އާމްދަނީން ޓެކްސް ނެގުމުގެ ޤާނޫނު) އަށް 2 ވަނަ އިޞްލާޙު ގެނައުމުގެ ޤާނޫނު.

· ޤާނޫނު ނަންބަރު: 2011/10 (މުދަލާއި ޚިދުމަތުގެ އަގުން ޓެކްސް ނެގުމުގެ ޤާނޫނު) އަށް 8 ވަނަ އިޞްލާޙު ގެނައުމުގެ ޤާނޫނު.

· ޤާނޫނު ނަންބަރު: 2026/17 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) އަށް 19 ވަނަ އިޞްލާޙު ގެނައުމުގެ ޤާނޫނު.

 

   3. އިލެކްޝަންސް ކޮމިޝަނުގެ އިދާރީ އޮނިގަނޑަށް ބަދަލު ގެނައުން.

2026 ސެޕްޓެންބަރު 30 ވީ ބުދަ ދުވަހު، ކޮމިޝަނަށް ހުށަހަޅައިފައިވާ އިލެކްޝަންސް ކޮމިޝަނުގެ އިދާރީ އޮނިގަނޑަށް ތިރީގައި މި ދަންނަވާ ދެ އިޞްލާޙު ގެނެސް، އެ ގޮތުގެމަތިން އިލެކްޝަންސް ކޮމިޝަނުގެ އިދާރީ އޮނިގަނޑު ފާސްކޮށް، އެ އޮނިގަނޑުގައި ބަޔާންކޮށްފައިވާ މަޤާމުތަކަށް ހުއްދަ ހޯދުމަށްޓަކައި، މާލީ ވުޒާރާއަށް ފޮނުވުމަށްވެސް، ކޮމިޝަނުގެ 937 ވަނަ ޢާންމު ޖަލްސާގައި ވަނީ ނިންމަވައިފައެވެ. 

 

އިޞްލާޙުތައް

1. ކޮމިޝަނުގެ އިދާރީ އޮނިގަނޑުގައި މިހާރު ހިމެނިފައިވާ އޮފިސަރ (GS3) ގެ މަޤާމުތަކުގެ ތެރެއިން، އަލަށް އުފައްދަން ބަޔާންކޮށްފައިވާ އޮފިސަރ (GS3) ގެ މަޤާމުތައް، އޮފިސަރ (GS4) ގެ މަޤާމުތަކަށް ބަދަލުކުރުން.

2. އިލެކްޝަންސް މެނޭޖްމަންޓް ސެކްޝަނަށް ސީނިއަރ އޮފިސަރ (MS2) ގެ ދެ މަޤާމު އިތުރުކުރުން