ޖަލްސާތައް

ކޮމިޝަނުގެ 883 ވަނަ ޢާންމު ޖަލްސާ

ތަޢާރަފް

މި ޖަލްސާގެ ރިޔާސަތު ބެލެހެއްޓެވީ ކޮމިޝަނުގެ ރައީސް މުޙައްމަދު ޒާހިދެވެ. ޖަލްސާގައި ކޮމިޝަނުގެ 5 މެންބަރުން ބައިވެރިވެ ވަޑައިގެންނެވިއެވެ. އެއީ ކޮމިޝަނުގެ ރައީސް މުޙައްމަދު ޒާހިދު، ކޮމިޝަނުގެ ނައިބު ރައީސް ޢަބްދުއްރަޙްމާން ޞަލާޙް ރަޝީދު، މެންބަރު ޑޮކްޓަރު މުޙައްމަދު ޒާހިރު، ކޮމިޝަނުގެ މެންބަރު ޙަސަން ޒަކަރިއްޔާ، އަދި ކޮމިޝަނުގެ މެންބަރު ޢަބްދުލްޙަސީބު އިސްމާޢީލް އެވެ.

މި ޖަލްސާގައި ނިންމާފައިވާ ނިންމުންތައް ތިރީގައި މިވަނީއެވެ.

   1.   މޯލްޑިވްސް ތާރޑް-ވޭ ޑިމޮކްރެޓްސް އުވާލުމާ ގުޅޭ.

މޯލްޑިވްސް ތާރޑް-ވޭ ޑިމޮކްރެޓްސް (އެމް.ޓީ.ޑީ) ދެމިއޮތުމަށް ޤާނޫނު ލާޒިމުކުރާ 3000 (ތިންހާސް) މެންބަރުން ހަމަވެފައިނުވާތީ، ޤާނޫނު ނަންބަރު 2013/4 (ސިޔާސީ ޕާޓީގެ ޤާނޫނު) ގެ 28 ވަނަ މާއްދާގައިވާ ގޮތުގެމަތީން، މެންބަރުން ހަމަކުރުމަށް 2025 ފެބުރުވަރީ 19 ގައި 3 (ތިނެއް) މަސްދުވަހުގެ ނޯޓިސް ދީފައިވާތީއާއި، ބުނެވިދިޔަ ނޯޓިހުގެ މުއްދަތު 2025 މޭ 19 އަށް ހަމަވިއިރު، އެ ޕާޓީގައި ރަޖިސްޓަރީވެފައިވާ މެންބަރުންގެ ޢަދަދަކީ، 2,277 (ދެހާސް ދުއިސައްތަ ހަތްދިހަ ހަތެއް) ކަމުގައިވާތީވެ، ލީގަލް އެންޑް ޕޮލިޓިކަލް ޕާޓީ ރެގިއުލޭޝަން ސެކްޝަނުގެ ނަންބަރު(MEMO)EA/2025/85: މެމޯއިން ފާހަގަކޮށްފައިވާ ކަންކަމާއި، އެ މެމޯއިން ކޮމިޝަނަށް ހުށަހަޅުއްވާފައިވާ ޤާނޫނީ ލަފާއާ އެއްގޮތްވާ ގޮތުގެމަތީން، ޤާނޫނު ނަންބަރު 2013/4 (ސިޔާސީ ޕާޓީގެ ޤާނޫނު) ގެ 30 ވަނަ މާއްދާގެ (ހ) ގެ 1 ވަނަ ނަންބަރުގެ ދަށުން، މޯލްޑިވްސް ތާރޑް-ވޭ ޑިމޮކްރެޓްސް (އެމް.ޓީ.ޑީ) އުވާލުމަށް، ކޮމިޝަނުގެ 883 ވަނަ ޢާންމު ޖަލްސާގައި ވަނީ ނިންމަވާފައެވެ.

   2. 2025ވަނަ އަހަރުގެ ކޮމިޝަނުގެ އިދާރީ ބަޖެޓުގެ ބަޖެޓް ރިވިޝަންއާ ގުޅޭ.

2025 ވަނަ އަހަރުގެ ކޮމިޝަނުގެ އިދާރީ ބަޖެޓުގެ ބަޖެޓް ރިވިޝަން، ފައިނޭންސް ސެކްޝަނުން ހުށަހަޅުއްވާފައިވާ ގޮތަށް، ކޮމިޝަނުގެ 883 ވަނަ ޢާންމު ޖަލްސާގައި ވަނީ ކޮމިޝަނާ ޙިއްޞާކުރައްވާފައެވެ.

 

   3. 2026 ވަނަ އަހަރުގެ އިދާރީ ބަޖެޓާ ގުޅޭ.

މާލީ ވުޒާރާއިން މި ކޮމިޝަނަށް ކަނޑައަޅުއްވާފައިވާ ސީލިންގ އަށް ފެތޭގޮތަށް، މިކޮމިޝަނުގެ 2026 ވަނަ އަހަރަށް ލަފާކުރާ އިދާރީ ބަޖެޓުގެ ގޮތުގައި ފައިނޭންސް ސެކްޝަނުން ހުށަހަޅުއްވާފައިވާ 31,500,000/-ރ. (ތިރީސް އެއް މިލިއަން ފަސްލައްކަ ރުފިޔާ) ގެ ބަޖެޓު، ކޮމިޝަނުގެ 883 ވަނަ ޢާންމު ޖަލްސާގައި ވަނީ ފާސް ކުރައްވާފައެވެ.

 

    4. ޕްލޭނިންގ، ޕޮލިސީ އެންޑް ރިސަރޗް ސެކްޝަނުގެ އޮފިސަރގެ މަޤާމަށް މުވައްޒަފަކު ނެގުމާގުޅޭ.

ޕްލޭނިންގ، ޕޮލިސީ އެންޑް ރިސަރޗް ސެކްޝަނުގެ ދާއިމީ އޮފިސަރގެ (ޖީ.އެސް 3) ގެ މަޤާމަށް މުވައްޒަފަކު ނެގުމަށްޓަކައި، މި ކޮމިޝަނުން ކޮށްފައިވާ ނަންބަރު:(IUL)38-BB/38/2025/110 އިޢުލާނާ ގުޅިގެން، އެ މަޤާމަށް ކުރިމަތިލާފައިވާ ފަރާތްތަކުގެ ތެރެއިން ޝަރުޠު ފުރިހަމަވާ ފަރާތްތަކުގެ ތެރެއިން ތަޢުލީމާއި މަސައްކަތު ތަޖުރިބާއަށް ބެލުމަށްފަހު، ކުރެވުނު އިންޓަރވިއު އަދި ޓެސްޓަށް ބަލައި އެންމެ މަތީން މާރކްސް ލިބިފައިވާ، ފ.ނިލަންދޫ، އަލިޝާ، ޝާހް އިސްމާޢީލް (A244678) ޕްލޭނިންގ، ޕޮލިސީ އެންޑް ރިސަރޗް ސެކްޝަނުގެ ދާއިމީ އޮފިސަރގެ (ޖީ.އެސް 3) ގެ މަޤާމަށް ހަމަޖެއްސުމަށް، ކޮމިޝަނުގެ 883 ވަނަ ޢާންމު ޖަލްސާގައިވަނީ ނިންމަވާފައެވެ.

 

   5. ހިއުމަން ރިސޯސް މެނޭޖްމަންޓް ސެކްޝަނުގެ އޮފިސަރގެ މަޤާމަށް މުވައްޒަފަކު ނެގުމާގުޅޭ.

ހިއުމަން ރިސޯސް މެނޭޖްމަންޓް ސެކްޝަނުގެ ދާއިމީ އޮފިސަރގެ (ޖީ.އެސް 3) ގެ މަޤާމަށް މުވައްޒަފަކު ނެގުމަށްޓަކައި، މި ކޮމިޝަނުން ކޮށްފައިވާ ނަންބަރު:(IUL)38-BB/38/2025/109 އިޢުލާނާ ގުޅިގެން، އެ މަޤާމަށް ކުރިމަތިލާފައިވާ ފަރާތްތަކުގެ ތެރެއިން ޝަރުޠު ފުރިހަމަވާ ފަރާތްތަކުގެ ތެރެއިން ތަޢުލީމާއި މަސައްކަތު ތަޖުރިބާއަށް ބެލުމަށްފަހު، ކުރެވުނު އިންޓަރވިއު އަދި ޓެސްޓަށް ބަލައި އެންމެ މަތިން މާކްސް ލިބިފައިވާ، ހދ.ހިރިމަރަދޫ، ހިޔާވަހި، ރަޥްޟަތު ވަޙީދާ (A225307)، ހިއުމަން ރިސޯސް މެނޭޖްމަންޓް ސެކްޝަނުގެ ދާއިމީ އޮފިސަރގެ (ޖީ.އެސް 3) ގެ މަޤާމަށް ހަމަޖެއްސުމަށް، ކޮމިޝަނުގެ 883 ވަނަ ޢާންމު ޖަލްސާގައިވަނީ ނިންމަވާފައެވެ.

Date
Location
ތިންވަނަ ފަންގިފިލާގެ، މެންބަރުންގެ މީޓިންގ ރޫމް
Time
Number
883

ޖަލްސާއާއި ގުޅުންހުރި ލިޔުންތައް

ޖަލްސާގެ ނިންމުންތައްޖަލްސާގެ ހާޟިރީ

ޖަލްސާގެ ހާޟިރީ

ކޮމިޝަންގެ މެންބަރުން

  • މުޙައްމަދު ޒާހިދު
  • ޢަބްދުއްރަޙްމާން ޞަލާޙް ރަޝީދު
  • ޑޮކްޓަރ މުޙައްމަދު ޒާހިރު
  • ޙަސަން ޒަކަރިއްޔާ
  • ޢަބްދުލްޙަސީބު އިސްމާޢީލް

އިސް މުވައްޒަފުން

  • ޢަބްދުﷲ އުނައިސް
  • ޝަހުލާ އިސްމާޢިލް
  • މުޙައްމަދު އަނީލް
  • އާއިޝަތު ޝައްފާފް
  • އާމިނަތު އަޒީފާ
  • އަލްއުސްތާޛާ ޢާލިޔާ ޙަނީފް
  • ފާޠިމަތު ޝަބާ ބާޤިރު

އެންމެ ފަހުގެ އިތުރު ޖަލްސާތައް

ޖަލްސާތައް

ކޮމިޝަނުގެ 884 ވަނަ ޢާންމު ޖަލްސާ

ޖަލްސާތައް

ކޮމިޝަނުގެ 882 ވަނަ ޢާންމު ޖަލްސާ

ޖަލްސާތައް

ކޮމިޝަނުގެ 881 ވަނަ ޢާންމު ޖަލްސާ

ޖަލްސާތައް

ކޮމިޝަނުގެ 880 ވަނަ ޢާންމު ޖަލްސާ

ޖަލްސާތައް

ކޮމިޝަނުގެ 879 ވަނަ ޢާންމު ޖަލްސާ

ޖަލްސާތައް

ކޮމިޝަނުގެ 878 ވަނަ ޢާންމު ޖަލްސާ

ޖަލްސާތައް

ކޮމިޝަނުގެ 877 ވަނަ ޢާންމު ޖަލްސާ

ޖަލްސާތައް

ކޮމިޝަނުގެ 876 ވަނަ ޢާންމު ޖަލްސާ

ޖަލްސާތައް

ކޮމިޝަނުގެ 875 ވަނަ ޢާންމު ޖަލްސާ