ކޮމިޝަނުގެ 884 ވަނަ ޢާންމު ޖަލްސާ
ތަޢާރަފް
މި ޖަލްސާގެ ރިޔާސަތު ބެލެހެއްޓެވީ ކޮމިޝަނުގެ ރައީސް މުޙައްމަދު ޒާހިދެވެ. ޖަލްސާގައި ކޮމިޝަނުގެ 5 މެންބަރުން ބައިވެރިވެ ވަޑައިގެންނެވިއެވެ. އެއީ ކޮމިޝަނުގެ ރައީސް މުޙައްމަދު ޒާހިދު، ކޮމިޝަނުގެ ނައިބު ރައީސް ޢަބްދުއްރަޙްމާން ޞަލާޙް ރަޝީދު، މެންބަރު ޑޮކްޓަރު މުޙައްމަދު ޒާހިރު، ކޮމިޝަނުގެ މެންބަރު ޙަސަން ޒަކަރިއްޔާ، އަދި ކޮމިޝަނުގެ މެންބަރު ޢަބްދުލްޙަސީބު އިސްމާޢީލް އެވެ.
މި ޖަލްސާގައި ނިންމާފައިވާ ނިންމުންތައް ތިރީގައި މިވަނީއެވެ.
1. 2026 ވަނަ އަހަރަށް ލަފާކުރާ ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބުގެ ބަޖެޓާގުޅޭ.
ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބު 2026 ގެ ބަޖެޓުގެ ގޮތުގައި، ފައިނޭންސް ސެކްޝަނުން ހުށަހަޅުއްވާފައިވާ 92,088,924/-ރ. (ނުވަދިހަ ދެމިލިއަން އައްޑިހަ އަށްހާސް ނުވަސަތޭކަ ސައުވީސް ރުފިޔާ) ގެ ބަޖެޓު، ކޮމިޝަނުގެ 884 ވަނަ ޢާންމު ޖަލްސާގައި ވަނީ ފާސްކުރައްވާފައެވެ.
2. 2026 ވަނަ އަހަރުގެ ބައި-އިލެކްޝަންތަކަށް ބޭނުންވާ ބަޖެޓު، ޑޮމެސްޓިކް ޕްރޮޖެކްޓެސް ގެ ގޮތުގައި ހުށަހެޅުއްވުމާއި އެ ޕްރޮޖެކްޓުގެ ބަޖެޓު ފާސްކުރެއްވުމާ ގުޅޭ.
2026ވަނަ އަހަރުގެ ބައި-އިލެކްޝަންތަކަށް ބޭނުންވާ ބަޖެޓު، ޑޮމެސްޓިކް ޕްރޮޖެކްޓެސް ގެ ގޮތުގައި ހުށަހެޅުއްވުމާއި އެ ޕްރޮޖެކްޓުގެ ބަޖެޓު ފާސްކުރެއްވުމާ ގުޅޭގޮތުން، ތިރީގައި މި ދަންނަވާ ކަންކަން، ކޮމިޝަނުގެ 884 ވަނަ ޢާންމު ޖަލްސާގައި ވަނީ ނިންމަވާފައެވެ.
1. 2026 ވަނަ އަހަރުގެ ބައި-އިލެކްޝަންތަކަށް ބޭނުންވާ ބަޖެޓު، ޑޮމެސްޓިކް ޕްރޮޖެކްޓެސް ގެ ގޮތުގައި މާލީ ވުޒާރާއަށް ހުށަހެޅުއްވުމާއި އެ ޕްރޮޖެކްޓުގެ ބަޖެޓު ފާސްކުރެއްވުން، މި ޖަލްސާގެ އެޖެންޑާއަށް އިތުރުކުރައްވައި، ގޮތެއް ނިންމެވުމަށް، ކޮމިޝަނުގެ 884 ވަނަ ޢާންމު ޖަލްސާގައި ވަނީ ނިންމަވާފައެވެ.
2. މިގޮތުން، ފައިނޭންސް ސެކްޝަނުން ހުށަހަޅުއްވާފައިވާ ގޮތުގެމަތީން، 2026 ވަނަ އަހަރުގެ ބައި-އިލެކްޝަންތަކަށް ބޭނުންވާ ބަޖެޓު، ޑޮމެސްޓިކް ޕްރޮޖެކްޓެސް ގެ ގޮތުގައި މާލީ ވުޒާރާއަށް ހުށަހެޅުއްވުމަށް ފާސްކުރައްވައި، މި ޕްރޮޖެކްޓުގެ ބަޖެޓުގެ ގޮތުގައި، 3,000,000/-ރ. (ތިންމިލިއަން ރުފިޔާ) ކޮމިޝަނުގެ 884 ވަނަ ޢާންމު ޖަލްސާގައި ވަނީ ފާސްކުރައްވާފައެވެ.
3. ނިއު-ޕޮލިސީ އިނީޝިއޭޓިވްސްގެ ގޮތުގައި، ދިވެހިރާއްޖޭގެ ޑިމޮކުރަޓިކު ވެށި ހަރުދަނާ ކުރުމާއި އަހުލުވެރިކުރުވުމުގެ ޕްރޮޕޯސަލް އަދި އިލެކްޝަންސް ކޮމިޝަނުގެ ބިމުގެ އަގު އަދާކުރުމަށް ބޭނުންވާ ފައިސާގެ ޕްރޮޕޯސަލް އަދި ބަޖެޓް ފާސްކުރުމާގުޅޭ.
މާލީ ވުޒާރާގެ ނަންބަރު13-B/CIR/2025/8: ބަޖެޓާބެހޭ ސަރކިއުލަރ 1، (2026 އިން 2028 ވަނަ އަހަރަށް ލަފާކުރާ މެދުރާސްތާ ބަޖެޓުގެ އައު ހަރަކާތްތަކުގެ (ނިއު-ޕޮލިސީ އިނީޝިއޭޓިވްސް) އާ ގުޅިގެން، ތިރީގައި މި ދަންނަވާ ކަންކަން، ކޮމިޝަނުގެ 884 ވަނަ ޢާންމު ޖަލްސާގައި ވަނީ ނިންމަވާފައެވެ.
1. މާލީ ވުޒާރާގެ ނަންބަރު13-B/CIR/2025/8: ބަޖެޓާބެހޭ ސަރކިއުލަރ 1، (2026 އިން 2028 ވަނަ އަހަރަށް ލަފާކުރާ މެދުރާސްތާ ބަޖެޓުގެ އައު ހަރަކާތްތަކުގެ (ނިއު-ޕޮލިސީ އިނީޝިއޭޓިވްސް) ގޮތުގައި، ދިވެހިރާއްޖޭގެ ޑިމޮކުރަޓިކު ވެށި ހަރުދަނާ ކުރުމާއި އަހުލުވެރިކުރުވުމުގެ ޕްރޮޕޯސަލް އަދި އިލެކްޝަންސް ކޮމިޝަނުގެ ބިމުގެ އަގު އަދާކުރުމަށް ބޭނުންވާ ފައިސާގެ ޕްރޮޕޯސަލް ފާސްކުރެއްވުން.
2. ޕްރޮޕޯސަލް 1 ގައިވާ، "ދިވެހިރާއްޖޭގެ ޑިމޮކުރަޓިކު ވެށި ހަރުދަނާ ކުރުމާއި އަހުލުވެރިކުރުވުން"، މި ޕްރޮޖެކްޓުގެ ބަޖެޓުގެ ގޮތުގައި 4,846,542/-ރ. (ހަތަރު މިލިއަން އަށްލައްކަ ސާޅީސް ހަ ހާސް ފަސްސަތޭކަ ސާޅީސް ދެ ރުފިޔާ) ފާސްކުރެއްވުން.
3. ދިވެހިރާއްޖޭގެ ޑިމޮކުރަޓިކު ވެށި ހަރުދަނާ ކުރުމާއި އަހުލުވެރިކުރުވުމުގެ ޕްރޮޖެކްޓުގެ ދަށުން، އިލެކްޝަންސް ކޮމިޝަނުގެ އިދާރީ އޮނިގަނޑައަށް، ތިރީގައި މި ދަންނަވާ ރޭންކުތަކުގައި 6 މަޤާމެއް އިތުރުކުރެއްވުމަށް، ނިންމެވުން.
· ޑިރެކްޓަރ - އީ.އެކްސް 1 ގެ ރޭންކުގައި 1 (އެކެއް) މަޤާމު
· އެސިސްޓެންޓް ޑިރެކްޓަރ - އެމް.އެސް 3 ގެ ރޭންކުގައި 3 (ތިނެއް) މަޤާމު
· ސީނިއަރ އޮފިސަރ - އެމް.އެސް 2 ގެ ރޭންކުގައި 1 (އެކެއް) މަޤާމު
· އޮފިސަރ - ޖީ.އެސް 4 ގެ ރޭންކުގައި 1 (އެކެއް) މަޤާމު
4. ޕްރޮޕޯސަލް 2 ގައިވާ، " އިލެކްޝަންސް ކޮމިޝަނުގެ ބިމުގެ އަގު އަދާކުރުމަށް ބޭނުންވާ ފައިސާ ހަމަޖެއްސުން"، މި ޕްރޮޖެކްޓުގެ ބަޖެޓުގެ ގޮތުގައި 60,757,650.46/-ރ. (ފަސްދޮޅަސް މިލިއަން ހަތްލައްކަ ފަންސާސް ހަތް ހާސް ހަސަތޭކަ ފަންސާސް ރުފިޔާ ސާޅީސް ހަ ލާރި) ފާސްކުރެއްވުން.