ތަޢާރަފް

މި ޖަލްސާގެ ރިޔާސަތު ބެލެހެއްޓެވީ ނައިބު ރައީސް ޢަބްދުއްރަޙްމާން ޞަލާޙް ރަޝީދުއެވެ. ޖަލްސާގައި ކޮމިޝަނުގެ 3 މެންބަރުން ބައިވެރިވެ ވަޑައިގެންނެވިއެވެ. އެއީ ކޮމިޝަނުގެ ނައިބު ރައީސް ޢަބްދުއްރަޙްމާން ޞަލާޙް ރަޝީދު، ކޮމިޝަނުގެ މެންބަރު ޙަސަން ޒަކަރިއްޔާ، ކޮމިޝަނުގެ މެންބަރު އަލްއުސްތާޛު ރިފްޢަތު ޢަބްދުﷲ އެވެ.

ކޮމިޝަނުގެ މެންބަރު ޢަބްދުލްޙަސީބު އިސްމާޢީލް ހުންނެވީ ޗުއްޓީގައެވެ.

މި ޖަލްސާގައި ނިންމާފައިވާ ނިންމުންތައް ތިރީގައި މިވަނީއެވެ.

  1. ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓާއި ގުޅިގެން އަހްޝަން ނަޢީމް، ޕެންޒީމާގެ، މ.ވޭވަށް ދިވެހިރާއްޖޭގެ ސުޕްރީމް ކޯޓަށް ހުށަހަޅާފައިވާ މައްސަލައާގުޅޭ.

ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓާއި ގުޅިގެން އަހްޝަން ނަޢީމް، ޕެންޒީމާގެ، މ.ވޭވަށް ދިވެހިރާއްޖޭގެ ސުޕްރީމް ކޯޓަށް ހުށަހަޅާފައިވާ މައްސަލައާއި ގުޅިގެން، އެ ކޯޓުގެ ނަންބަރު:2026/SC-A/19 ޤަޟިއްޔާއިން މައްސަލަ ބެއްލެވުމަށްފަހު މައްސަލައިގައި ފާހަގަ ކުރައްވާފައިވާ ކަންކަމުގެ ތެރޭގައި، މ.ވޭވަށުގައި ބެހެއްޓުނު K2.1 ވޯޓުފޮށީގެ ވޯޓުކަރުދާސް މަރުކަޒުގައި ގުނަމުންދިޔައިރު ޝައްކު ކުރެވޭ 2 ކަރުދާހެއްގެ ޞައްޙަކަމާމެދު ކަނޑައަޅާފައިވާ ގޮތާއިމެދު ސުވާލު އުފެދޭތީ، ކޮމްޕްލެއިންޓްސް ބިއުރޯއަށް ޝަކުވާ ހުށަހެޅުމަށްފަހު، ކޮމްޕްލެއިންޓްސް ބިއުރޯގެ ނިންމުމާއި ގުޅިގެން ވޯޓުކަރުދާސްތައް އަލުން ގުނިއިރު އެއައި ބަދަލުތަކާއެކު އިލެކްޝަންސް ކޮމިޝަނުން ޢާންމުކޮށްފައިވާ ރަސްމީ ނަތީޖާއާއި ގުޅިގެން ހުށަހަޅާފައިވާ މައްސަލައާއި ގުޅިގެން، 3 ވޯޓުކަރުދާހެއް ޞައްޙަކަމަށް ނިންމަވާފައިވާ ނިންމެވުން ބާޠިލުކަމަށް ކަނޑައަޅާފައިވަނީ ޤާނޫނާއި ޚިލާފަށްކަމަށްވާތީ، ދިވެހިރާއްޖޭގެ ހައިކޯޓުގެ ނަންބަރު:2026/HC-I-SH/1 ޤަޟިއްޔާ އިން ކުރައްވާފައިވާ ޙުކުމް ދިވެހިރާއްޖޭގެ ސުޕްރީމް ކޯޓުންވަނީ ބާޠިލު ކުރައްފާއިވާތީ، ދިވެހިރާއްޖޭގެ ހައިކޯޓުގެ ޙުކުމުގެ ކުރިން އިލެކްޝަންސް ކޮމިޝަނުން ޢާންމުކޮށްފައިވާ މ.ވޭވަށުގައި ބެހެއްޓުނު K2.1 ވޯޓުފޮށީގެ ދާއިމީ ނަތީޖާއަކީ ޞައްޙަ ނަތީޖާއެއްކަމަށް ދިވެހިރާއްޖޭގެ ސުޕްރީމް ކޯޓުގެ ފަނޑިޔާރުންގެ އިއްތިފާޤުން ނިންމަވައި، ކުރައްވާފައެވެ.

އެގޮތުން ދިވެހިރާއްޖޭގެ ހައިކޯޓުގެ ނަންބަރު:2026/HC-I-SH/1 ޤަޟިއްޔާ އިން ކުރައްވާފައިވާ ޙުކުމުގެ ކުރިން އިލެކްޝަންސް ކޮމިޝަނުން ޢާންމުކޮށްފައިވާ މ.ވޭވަށުގައި ބެހެއްޓުނު K2.1 ވޯޓުފޮށީގެ ދާއިމީ ނަތީޖާ އަންނަނިވި ގޮތުގެމަތިން، އިންތިޚާބާ ގުޅިގެން ބޭއްވި 507 ވަނަ ޚާއްޞަ ޖަލްސާގައިވަނީ ފާސް ކުރައްވާފައެވެ.

 

މ.ވޭވަށް ކައުންސިލްގެ ރައީސް

 

   މ.ވޭވަށް ކައުންސިލްގެ އަންހެނުންނަށް ޚާއްޞަ ގޮނޑި

 

  މ.ވޭވަށް ކައުންސިލްގެ މެންބަރު

 

މި ނަތީޖާއާއި ގުޅިގެން މ.ވޭވަށް ކައުންސިލްގެ ރައީސް އަދި މ.ވޭވަށް ކައުންސިލްގެ އަންހެން މެންބަރުގެ ނަތީޖާއަށް ބަދަލެއް އައިސްފައިނުވާކަމާއި، ނަމަވެސް މ.ވޭވަށް ކައުންސިލްގެ ޢާންމު މެންބަރުގެ ނަތީޖާއަށް ބަދަލު އައިސްފައިވާތީ، ނަތީޖާ އިޢުލާނުކޮށް، ލޯކަލް ގަވަރމަންޓް އޮތޯރިޓީއަށާއި ރަސްމީކޮށް ދަންނަވަންޖެހޭ ފަރާތްތަކުގައި ސިޓީއަކުން ދެންނެވުމަށްވެސް އިންތިޚާބާ ގުޅިގެން ބޭއްވި 507 ވަނަ ޚާއްޞަ ޖަލްސާގައިވަނީ ނިންމަވާފައެވެ.