އިންތިޚާބާ ގުޅިގެން ބާއްވާ 468 ވަނަ ޚާއްޞަ ޖަލްސާ
ތަޢާރަފް
މި ޖަލްސާގެ ރިޔާސަތު ބެލެހެއްޓެވީ ކޮމިޝަނުގެ ރައީސް ފުއާދު ތައުފީޤް އެވެ. ޖަލްސާގައި ކޮމިޝަނުގެ 5 މެންބަރުން ބައިވެރިވެ ވަޑައިގެންނެވިއެވެ. އެއީ ކޮމިޝަނުގެ ރައީސް ފުއާދު ތައުފީޤް، ނައިބު ރައީސް އިސްމާޢީލް ޙަބީބު ޢަބްދުއްރަޙީމް، ކޮމިޝަނުގެ މެންބަރ ޑޮކްޓަރު މުޙައްމަދު ޒާހިރު، ކޮމިޝަނުގެ މެންބަރު މުޙައްމަދު ޢާޞިފް އަދި ކޮމިޝަނުގެ މެންބަރު ޢަލީ ނަޝާޠު އެވެ.
މި ޖަލްސާގައި ނިންމާފައިވާ ނިންމުންތައް ތިރީގައި މިވަނީއެވެ.
1. 2024 ފެބުރުވަރީ 24 ގައި ބޭއްވުމަށް ހަމަޖެހިފައިވާ ބައި-އިލެކްޝަނުގައި ޙަރަކާތްތެރިވާ އޮފިޝަލުންގެ ލިސްޓު ފާސްކުރުން.
2024 ފެބުރުވަރީ 24 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ އއ.މާޅޮހު ކައުންސިލްގެ އަންހެން މެންބަރު އިންތިޚާބު ކުރުމަށް ބާއްވާ ބައި-އިލެކްޝަނުގައި ބަހައްޓާ ވޯޓުފޮށިތަކުގެ އޮފިޝަލުންގެ ގޮތުގައި ޙަރަކާތްތެރިވާ އޮފިޝަލުންގެ ލިސްޓު ހިއުމަން ރިސޯސް މެނޭޖްމަންޓް ސެކްޝަނުން ހުށަހަޅާފައިވާގޮތަށް، އިންތިޚާބާ ގުޅިގެން ބޭއްވެވި 468 ވަނަ ޚާއްޞަ ޖަލްސާގައި ވަނީ ފާސް ކުރައްވާފައެވެ.
2. 2024 މާރިޗު 17 ގައި ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބުގެ ވޯޓުކަރުދާހުގައި ކެންޑިޑޭޓުންގެ ފޮޓޯ، ނިޝާން ނުވަތަ ލޯގޯ ޖެހުމާ ގުޅޭ.
2024 މާރިޗު 17 ގައި ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބުގައި އަމިއްލަގޮތުން ވާދަކުރައްވާ 61 ކެންޑިޑޭޓުން ވޯޓުކަރުދާހުގައި ޖެހުމަށް ހުށަހަޅާފައިވާ ލޯގޯ ގެ ތެރެއިން، ދިއްދޫ ދާއިރާއަށް ވާދަކުރައްވާ ހއ.ދިއްދޫ، އާލިއާ، މުޙައްމަދު އަސްލަމް (A122601) ހުށަހަޅުއްވާފައިވާ ދިވެހި ޤައުމީ ދިދަ ފިޔަވައި އެހެން ލޯގޯތައް، އިންތިޚާބާ ގުޅިގެން ބޭއްވެވި 468 ވަނަ ޚާއްޞަ ޖަލްސާގައި ވަނީ ފާސް ކުރައްވާފައެވެ.
ނަމަވެސް އަމިއްލަގޮތުން ވާދަކުރައްވާ އެއްވެސް ކެންޑިޑޭޓެއްގެ ލޯގޯ ވޯޓުކަރުދާހުގައި ނުޖެހުމަށާއި، ވޯޓުކަރުދާހުގައި އެބޭފުޅެއްގެ ފޮޓޯ ޖަހުމަށްފަހު "އަމިއްލަ" މިހެން ޖެހުމަށާއި، ކެމްޕެއިން ކުރުމުގައި ލޯގޯ ބޭނުން ކުރެވިދާނެކަމަށްވެސް އިންތިޚާބާ ގުޅިގެން ބޭއްވެވި 468 ވަނަ ޚާއްޞަ ޖަލްސާގައި ވަނީ ނިންމަވާފައެވެ.