ތަޢާރަފް

މި ޖަލްސާގެ ރިޔާސަތު ބެލެހެއްޓެވީ ކޮމިޝަނުގެ ރައީސް ފުއާދު ތައުފީޤް އެވެ. މިޖަލްސާގައި ކޮމިޝަނުގެ 4 މެންބަރުން ބައިވެރިވެ ވަޑައިގެންނެވިއެވެ. އެއީ ކޮމިޝަނުގެ ރައީސް ފުއާދު ތައުފީޤް، މެންބަރު ޑޮކްޓަރު މުޙައްމަދު ޒާހިރު، މެންބަރު މުޙައްމަދު ޢާޞިފް އަދި މެންބަރު ކޮމިޝަން މެންބަރ ޙަސަން ޒަކަރިއްޔާއެވެ.

ނައިބު ރައީސް ޢަލީ ނަޝާޠު ހުންނެވީ ޗުއްޓީގައެވެ.

މި ޖަލްސާގައި ނިންމާފައިވާ ނިންމުންތައް ތިރީގައި މިވަނީއެވެ.

1. ވަގުތީގޮތުން ކޮމިޝަނުގެ ސެކްރެޓަރީ ޖެނެރަލް، ޑިވިޜަން ހެޑް އަދި ސެކްޝަން ހެޑުންގެ މަސްއޫލިއްޔަތު ޙަވާލުކުރާ މުވައްޒަފުންނަށް ފޯނު އެލަވަންސް ހަމަޖެއްސުމާ ގުޅޭ.

މީގެފަހުން ވަގުތީގޮތުން، ކޮމިޝަނުގެ ސެކްރެޓަރީ ޖެނެރަލްގެ މަސްއޫލިއްޔަތު އަދާކުރައްވާ މުވައްޒަފުންނާއި، ވަގުތީގޮތުން ޑިވިޜަން/ސެކްޝަން ހިންގެވުން ޙަވާލުކުރާ މުވައްޒަފުންގެ ތެރެއިން، ވަގުތީ މަޤާމުގެ މަސްއޫލިއްޔަތު އަދާކުރެއްވުމުގައި 30 (ތިރީސް) ދުވަހަށް ވުރެން ގިނަ ދުވަސް ހޭދަވާ މުވައްޒަފުންނަށް ފޯން އެލަވަންސެއް ދިނުމަށާއި، މި ފޯން އެލަވަންސް ދިނުމުގައި ޤާނޫނުތަކާއި ގަވައިދުގައި ބަޔާންކޮށްފައިވާ ގޮތުގެމަތީން އިޖުރާޢަތުތައް ފުރިހަމަކޮށް އެގޮތުގެމަތިން ޢަމަލުކުރުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

2. ވަގުތީގޮތުން ކޮމިޝަނުގެ ސެކްރެޓަރީ ޖެނެރަލްގެ މަސްއޫލިއްޔަތު އަދާކުރައްވާ މުވައްޒަފުންނާއި، ޑިވިޜަން/ސެކްޝަން ހިންގެވުން ޙަވާލުކުރާ މުވައްޒަފުންނަށް އެލަވަންސެއް ދިނުމާއިގުޅޭ.

ވަގުތީގޮތުން ކޮމިޝަނުގެ ސެކްރެޓަރީ ޖެނެރަލްގެ މަސްއޫލިއްޔަތު އަދާކުރައްވާ މުވައްޒަފުންނާއި، ޑިވިޜަން/ސެކްޝަން ހިންގެވުން ޙަވާލުކުރާ މުވައްޒަފުންނަށް ދައުލަތާއި ސަރުކާރުގެ އެކި މުއައްސަސާތަކުގައި ވަކި ޚާއްޞަ ހިންގެވުމުގެ އެލަވަންސެއް ދެމުންދާތީ، މިކޮމިޝަނުގެ މުވައްޒަފުންނަށް ހިންގެވުމުގެ އެލަވަންސެއް ދިނުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

3. އިންޓަރނަލް އޮޑިޓް ސެކްޝަނުގެ ސީނިއަރ އޮފިސަރ ފާޠިމަތު އަވާތިފް ޢަލީ، ޕްރީ މެޓަރނިޓީލީވަށް އެދި ކޮމިޝަނަށް ހުށަހަޅުއްވާފައިވާ ސިޓީއާ ގުޅޭ.

ގަވާއިދު ނަންބަރު 2019/R-2 (އިލެކްޝަންސް ކޮމިޝަނުގެ ގަވާއިދު) ގެ ޖަދުވަލް 6 (އޮފީހަށް ހާޟިރުވުމާއި، ހެދުން އެޅުމާއި، ސަލާން ބުނުމާއި، ޗުއްޓީ ނެގުމުގެ އުޞޫލު) ގެ 10.7 ވަނަ މާއްދާގައި ވާ ޙާލަތު މެދުވެރިވެފައިވާ ކަމަށް ބަޔާންކޮށް އިންޓަރނަލް އޮޑިޓް ސެކްޝަނުގެ ސީނިއަރ އޮފިސަރ ފާޠިމަތު އަވާތިފް ޢަލީ ކޮމިޝަނަށް ސިޓީއެއް ހުށަހަޅުއްވާފައިވާތީ، މި މުވައްޒަފުގެ ޙާލަތަށް ރިޢާޔަތްކޮށް، އިސްވެ ދެންނެވުނު މާއްދާއާ ޙަވާލާދީ، މުވައްޒަފު އެދިފައިވާ ގޮތުގެމަތިން، 2024 ޖުލައި 24 ވާ ބުދަ ދުވަހުން ފެށިގެން، 28 ދުވަހުގެ ޕްރީ މެޓަރނިޓީ ލީވްއެއް، މި މުވައްޒަފަށް ދިނުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

4. 2024 ޖުލައި 20 ގައި ބޭއްވުނު ބައި-އިލެކްޝަނާ ގުޅިގެން، އިންތިޚާބު އޮންނަ ދުވަހު އޮފީހުގައި މަސައްކަތްކުރާ މުވައްޒަފުންނަށް ދިނުމަށް ހަމަޖެހިފައިވާ އެލަވަންސްއާ ގުޅޭ.

2024 ޖުލައި 20 ވީ ހޮނިހިރު  ދުވަހު ބޭއްވުނު ފ.ބިލެއްދޫ ކައުންސިލް ރައީސް، ކުޅުދުއްފުށި ސިޓީ ކައުންސިލްގެ ކުޅުދުއްފުށި އުތުރު ދާއިރާ މެންބަރު، މާލެ ސިޓި ކައުންސިލްގެ ހުޅުމާލެ ދާއިރާ މެންބަރު، މާލެ ސިޓީ ކައުންސިލްގެ މައްޗަންގޮޅި މެދު ދާއިރާ މެންބަރު، މާލެ ސިޓީ ކައުންސިލް ހެންވާރު ހުޅަނގު ދާއިރާ މެންބަރު އަދި ރަސްމާދޫ ކައުންސިލްގެ އަންހެން މެންބަރު އިންތިޚާބު ކުރުމަށް ބޭއްވި ބައި-އިލެކްޝަނާ ގުޅިގެން، އިންތިޚާބު އޮންނަ ދުވަހު އޮފީހުގެ މަސައްކަތަށް ހާޟިރުވެފައިވާ މުވައްޒަފުންނަށް ދިނުމަށް ހަމަޖެހިފައިވާ އެލަވަންސް ތިރީގައި ބަޔާންކޮށްފައިވާ މުވައްޒަފުންނަށް ދިނުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

• އުޞޫލުގައި ބަޔާންކޮށްފައިވާ ގޮތުގެމަތިން، 2024 ޖުލައި 20 ވާ ހޮނިހިރު ދުވަހުގެ ބައި-އިލެކްޝަންގެ މަސައްކަތްތަކަށް ސެކްޝަންތަކުން ހާޟިރުވެފައިވާ މުވައްޒަފުންގެ ލިސްޓު އެޓޭޗްކުރެވިފައި
  
  

5. ކޮމިޝަނުގެ ސެކްޝަންތަކުގެ މަސައްކަތްތަކާ ގުޅުންހުރި އެސް.އޯ.ޕީތައް ފާސްކުރެއްވުން.

ކޮމިޝަނުގެ ސެކްޝަންތަކުގެ މަސައްކަތްތަކާ ގުޅުންހުރި ތިރީގައި މި ދަންނަވާ 218 އެސް.އޯ.ޕީއެއް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ފާސްކުރައްވާފައެވެ. 

ސެކްޝަންތަކުގެ އެސް.އޯ.ޕީތައް

ސެކްޝަން: ކޮމިޝަނަރސް ބިއުރޯ

1. އަލަން ޢައްޔަންކުރެވޭ ކޮމިޝަނުގެ މެންބަރުންގެ އިދާރީ ކަންތައްތައް ބެލެހެއްޓުން.

2. ކޮމިޝަނުގެ ޢާންމު ޖަލްސާތަކުގެ ސެކްރެޓޭރިއެޓު ބެލެހެއްޓުން (ރަސްމީ ޖަލްސާތައް).

3. އިންތިޚާބާ ގުޅިގެން ބާއްވާ ޚާއްޞަ ޖަލްސާތަކުގެ ސެކްރެޓޭރިއެޓު ބެލެހެއްޓުން.

4. ކޮމިޝަނުގެ ކުއްލި ޖަލްސާތަކުގެ ސެކްރެޓޭރިއެޓު ބެލެހެއްޓުން.

5. ކޮމިޝަނުގެ މެންބަރުންގެ ނުރަސްމީ ބައްދަލުވުންތަކުގެ ސެކްރެޓޭރިއެޓު ބެލެހެއްޓުން.

6. ހަފްތާގެ އަދާހަމަ ބައްދަލުވުންތަކުގެ ސެކްރެޓޭރިއެޓު ބެލެހެއްޓުން.

7. ސީނިއަރ މެނޭޖްމަންޓް ޓީމްގެ ބައްދަލުވުންތަކުގެ ސެކްރެޓޭރިއެޓު ބެލެހެއްޓުން.

8. ކޮމިޝަނުގެ ނިންމުންތައް ޑިވިޜަންތަކާއި ސެކްޝަންތަކާ ޙިއްޞާކުރުން.

9. ކޮމިޝަނުގެ ނިންމުންތަކާއި ޖަލްސާތަކުގެ ޙާޟިރީތައް ވެބްސައިޓުގައި ޢާންމުކުރުން.

10. ސީނިއަރ މުވައްޒަފުންނާ ކޮމިޝަނުގެ މެންބަރުން ބައްދަކުކުރައްވާ ބައްދަލުވުންތަކުގެ ސެކްރެޓޭރިއެޓު ބެލެހެއްޓުން.

11. ސެކްޝަނަށް އަންނަ ސިޓީ/ލިޔެކިޔުންތަކަށް ޖަވާބުދޭނެ ގޮތުގެ ތަފްޞީލް.

12. ބޭރުގެ ފަރާތްތަކުން ދަޢުވަތު ލިބިގެން ކުރެވޭ ބޭރުގެ ދަތުރުތަކުގެ އިންތިޒާމުތައް ހަމަޖެއްސުން (ބޭރުގެ ބައްދަލުވުން، ވާރކްޝޮޕް، ޓްރޭނިންގ، އޮބްޒަވޭޝަން ދަތުރުތައް).

13. ކޮމިޝަނުގެ އިންސާނީ ވަޞީލަތްތައް އިތުރުކުރުމަށާއި، ޢުމްރާނީ ގޮތުންނާއި ޓެކްނޮލޮޖީގެ ގޮތުން ކޮމިޝަން ތަރައްޤީ ކުރުމަށް ބޭރުގެ އެހީ ހޯދުން.

14. ކޮމިޝަނުން އިސްނަގައިގެން ބޭރުގެ ފަރާތްތަކާ ގުޅިގެން އިންތިޒާމްކުރާ ދަތުރުތަކުގެ އިންތިޒާމުތައް ހަމަޖެއްސުން.

15. އިންތިޚާބުތަކާ ގުޅިގެން، ކޮމިޝަނުގެ ޚާއްޞަ ދަޢުވަތަށް ވަޑައިގަންނަވާ ބައިނަލްއަޤްވާމީ އޮބްޒާވަރުންގެ ކަންތައްތައް އިންތިޒާމު ކުރުން.

16. އިންތިޚާބުތަކާ ގުޅިގެން ރާއްޖެއިން ބޭރުން ވަޑައިގަންނަވާ އޮބްޒާވަރުންނާއި މޮނީޓަރުންގެ ކަންތައްތައް އިންތިޒާމު ކުރުން.

17. އިންތިޚާބާބެހޭ ޤައުމީ ލަފާދޭ ކޮމިޓީގެ ބައްދަލުވުންތަކުގެ ސެކްރެޓޭރިއެޓު ބެލެހެއްޓުން.

ސެކްޝަން: ލީގަލް އެންޑް ޕޮލިޓިކަލް ޕާޓީ ރެގިއުލޭޝަން ސެކްޝަން

1. ކޮމިޝަނުގެ މަސައްކަތާ ގުޅޭ ޤާނޫނާއި ގަވާއިދުތައް ދިރާސާ ކުރުން

2. އިންތިޚާބަށް ކުރިމަތިލާ ކެންޑިޑޭޓުންގެ މާލީ ބަޔާންތައް އިލެކްޝަންސް ކޮމިޝަނުން ބަލައިގަތުމާއި ޗެކްކުރުން

3. ސެކްޝަންތަކުން ބޭނުންވާ ޤާނޫނީ ލަފާ ދިނުން

4. އިލެކްޝަންސް ކޮމިޝަންގެ މައްޗަށް ކުރާ ދަޢުވާ ތަކުގައި އަމަލުކުރާނެ އުސޫލު

5. ކޮމިޝަންގެ މަސައްކަތަކާ ނުވަތަ މުވައްޒަފަކާ ގުޅޭގޮތުން ބަލަންޖެހޭ މައްސަލަތައް ބަލައި، ޢަމަލުކުރާނެގޮތުގެ އިރުޝާދު ކޮމިޝަނަށް އެރުވުން.

6. އިލެކްޝަންސް ކޮމިޝަނުން ކުރާ ދަޢުވާތަކުގައި ޢަމަލުކުރާ އުޞޫލު.

7. ޤާނޫނާއި ގަވާއިދުތައް އިޞްލާޙުކުރުން

8. އެގްރީމެންޓް ޗެކް ކުރުން.

9. އިންތިޚާބީ އެއްވެސް ދާއިރާއަކުން މެންބަރަކު އުނިވެއްޖެނަމަ އެކަން ކަށަވަރުކުރުން

10. ސިޔާސީ ޕާޓީ އުވާލުމުގައި ޢަމަލުކުރާނެ ގޮތް ބަޔާންކުރުން

11. އިންތިޚާބުތަކާ ގުޅިގެން ޤާއިމް ކުރެވޭ ކޮމްޕްލެއިންޓްސް ބިއުރޯ ރެގިއުލޭޓް ކޮށް މޮނީޓަރ ކުރުން

12. އިންތިޚާބީ ކުށްތަކާއި އަދި ކުރުން މަނާ ކަންތައްތަކާ ގުޅިގެން ހުށަހެޅޭ މައްސަލަތަކުގައި ޤާނޫނީ ލަފާ ދިނުމާއި ފިޔަވަޅު އެޅުން.

13. ރައީސުލްޖުމްހޫރިއްޔާ ތަޞްދީޤު ކުރައްވާ ހުރިހާ ޤާނޫނުތަކުގެ ރިކޯޑު ބަލަހައްޓާ ކޮންމެ ޤާނޫނެއްގެ މުހިއްމު ބައިތައް ކޮމިޝަންއާ ހިއްސާކުރުން.

14. އިންތިޚާބަށް ކުރިމަތިލާ ފަރާތްތަކުގެ ޝަރުތު ހަމަވޭތޯ ބަލައި އެކަން ކަށަވަރުކުރުން.

15. އިންތިޚާބުތަކާ ބެހޭ ޤާނޫނާއި ގަވާއިދުތައް އަދި ކޮމިޝަންގެ މަސައްކަތާ ގުޅޭ ގޮތުން ހަދާ އުސޫލުތައް ބެލެހެއްޓުން.

16. ސިޔާސީ ޕާޓީތަކުގެ އޮޑިޓް ރިޕޯޓް އިވެލުއޭޓްކުރުން

17. ސިޔާސީ ޕާޓީއެއް އުވާލުން

18. ސިޔާސީ ޕާޓީތައް ރެގިއުލޭޓް ކުރުން

19. ލީގަލް ފާރމް އިން ޤާނޫނީ ލަފާ ހޯދުން

20. ޤާނޫނީ ލަފާ ހޯދުމަށް ލީގަލް ސެކްޝަނަށް ފޮނުވުން.

21. ސިޔާސީ ޕާޓީގެ ދަފްތަރު އަޕްޑޭޓްކޮށް ބެލެހެއްޓުމާއި ސިޔާސީ ޕާޓީތަކުގެ އިސްމަގާމުތަކާއި ޕާޓީތައް ތަމްސީލުކުރާ ފަރާތްތައް ބަލަހައްޓާ އަޕްޑޭޓް ކުރުން

22. ސިޔާސީ ޕާޓީ އުފެއްދުމާއި ރަޖިސްޓަރީކުރުމުގެ ކަންކަން

23. އިންފޮމޭޝަން ކޮމިޝަނަރުގެ އޮފީހަށް ހުށަހެޅޭ މައްސަލަތައް

24. ވިސްލްބްލޯވަރސް ޕްރޮޓެކްޝަން ކޮމިޓީގެ ސެކްރެޓޭރިއޭޓް ބެލެހެއްޓުން.

ސެކްޝަން: އިންޓަރނަލް އޮޑިޓަރ

1. އޮޑިޓް ޕްލޭން ތައްޔާރުކުރުން   

2. ސެކްޝަންތައް އޮޑިޓްކުރުން

3. އިދާރީ އޮޑިޓްކުރުން

ޑިވިޜަން: އެޑްމިނިސްޓްރޭޝަން އެންޑް އިންފޮމޭޝަން ޓެކްނޮލޮޖީ ޑިވިޜަން

ސެކްޝަން: ސިސްޓަމް އެޑްމިނިސްޓްރޭޝަން ސެކްޝަން

1. އެކްސެސް ކަނޑާލުން

2. އެޑްމިނިސްޓްރޭޓިވް މަސައްކަތް

3. ބެކަޕް ނެގުން

4. އީމެއިލް، ޑޮމެއިން އަދި އެޕްލިކޭޝަންތަކަށް އެކްސެސް ދިނުން

5. ޓެކްނިކަލް ޚިދުމަތައް ސިސްޓަމް އެޑްމިނިސްޓްރޭޝަން ސެކްޝަނަށް އެދުން

6. ހޯސްޓިންގ، ވެބްސައިޓް، އިންޓަރނެޓް ކަނެކްޝަން އަދި އެން.ސީ.އައި.ޓީ ކަނެކްޝަން

7. ސާވަރތައް މޮނިޓަރކޮށް އަދި ސާވަރ ރޫމް މެނޭޖުކުރުން

8. ނެޓްވޯކް އަދި ސެކިއުރިޓީ މެނޭޖްކުރުން

9. ރިކުއާމަންޓްތައް ތައްޔާރުކުރުން

10. ޓެބްލެޓް ތައްޔާރުކުރުން

ސެކްޝަން: އެޑްމިނިސްޓްރޭޝަން އެންޑް ސަޕޯޓް ސަރވިސް ސެކްޝަން

1. އޮފީސް ހުޅުވާ ލެއްޕުން

2. ސެކްޝަނަކުން އިދާރީ އެހީތެރިކަމަށް އެދުމުން ޢަމަލުކުރާނެގޮތް

3. ސްޓޮކް ބެލެހެއްޓުން

4. ސްޓޮކުގައި ހުންނަ ހަރުމުދާ ދޫކުރުން.

5. ކޮމިޝަނުން ނީލަންކިޔާ ތަކެއްޗާއިމެދު ޢަމަލުކުރާގޮތް.

6. އަނބުރާ ރައްދުކުރާގޮތަށް ކޮމިޝަނުން ދޫކުރާ ތަކެއްޗާއިމެދު ޢަމަލުކުރާގޮތް.

7. އެހެން މުޢައްސަސާތަކުން ކޮމިޝަނަށް ހަދިޔާކުރާ ތަކެތި އިންވެންޓްރީއަށް ވެއްދުމުގައި ޢަމަލުކުރާނެގޮތް

8. ކޮމިޝަނުގެ ދުވަހު ޔައުމިއްޔާ ލިޔުން

9. ކޮމިޝަނުގެ ވެހިކަލްގައި ދަތުރު ކުރުން   

10. އިންތިޚާބާއި ގުޅިގެން އަންނަ ދަތުރުތަކުގެ މުވަޒަފުން ފުރުވުމާއި ރިސީވް ކުރުން   

11. އޮފީހުގައި ނުވަތަ އޮފީހުން ބޭރުގައި ލޮޖިސްޓިކްސް އިންތިޒާމްތައް ހަމަޖެއްސުން    

12. މަރާމާތު ކުރަންޖެހޭ ތަނެއް ނުވަތަ އެއްޗެއް މަރާމާތު ކުރުން (އިންޓަރނަލް)

13. މަރާމާތު ކުރަންޖެހޭ ތަނެއް ނުވަތަ އެއްޗެއް މަރާމާތު ކުރުން (އިންޓަރނަލް)

14. މަރާމާތު ކުރަންޖެހޭ ތަނެއް ނުވަތަ އެއްޗެއް މަރާމާތު ކުރުން (އިންޓަރނަލްކޮށް ނުކުރެވޭ މަސައްކަތް)

15. މަރާމާތު ކުރެވޭ އިލެކްޓްރޯނިކް އިކުއިޕްމަންޓް

16. އޮފީސް ފޮޅާސާފުކުރުމުގެ މަސައްކަތް އެކަމަށް ކަނޑައެޅިފައިވާ މުވައްޒަފުން ލައްވައި ކުރުވައި އެކަން މޮނިޓަރކޮށް ބެލެހެއްޓުން.

17. ސެކްޝަނަށް ލިބޭ ލިޔެކިޔުންތަކަށް ޢަމަލުކުރާގޮތް

18. އޮފީހުގެ ސެކިއުރިޓީ ބެލެހެއްޓުން

19. ކޮމިޝަނުގެ ހަރުމުދާ އެއް ސެކްޝަނުން އަނެތް ސެކްޝަނަށް ބަދަލުކުރުން  

20. ކޮމިޝަނުގެ މަސައްކަތަށް ތަނެއް ކުއްޔަން ހިފަން ބޭނުންވާނަމަ އަމަލުކުރާނެ ގޮތް

21. މީޓިންތަކަށް ބޭނުންވާ އިދާރީ އެހީތެރިކަން ފޯރުކޮށް ދިނުން

22. ސެކްޝަނުގެ މެންޑޭޓުގައި ހުރި މަސައްކަތް ކުރިއަށް ދޭތޯ ބެލުން

23. އިންތިޚާބު ދުވަސްވަރު ކޮމިޝަންގެ މަސަައްކަތުގައި އުޅޭ މުވައްޒަފުންނަށް ކެއުމުގެ އިންތިޒާމު ހަމަޖެއްސުން

24. ސެކްޝަނަކުން އިދާރީ އެހީތެރިކަމަށް އެދުމުން ޢަމަލުކުރާނެގޮތް

25. ސެކްޝަންތައް ހުޅުވައި ބަންދު ކުރުމަށް ސެކްޝަންތަކުން އެދުން

26. ސެކްޝަންތަކުގެ ދުވަހު ޔައުމިއްޔާ ލިޔުން

27. ކޮމިޝަނުގެ ވެހިކަލްގައި ދަތުރު ކުރުން   

28. ސެކްޝަނަކުން އިދާރީ އެދޭނެ ގޮތް

29. އަނބުރާ ރައްދުކުރާގޮތަށް ކޮމިޝަނުން ދޫކުރާ މުދަލަށް އެދޭނެގޮތް

30. ކޮމިޝަންގެ މަސައްކަތުގައި އުޅޭ މުވައްޒަފުންނަށް ކެއުމުގެ އިންތިޒާމު ހަމަޖެއްސުން

31. ސެކްޝަންތަކުން ހޯދަން ޖެހޭ ޚިދުމަތްތައް ހޯދުމަށް އެދޭނެ ގޮތުގެ ތަފްޞީލު ބަޔާންކުރުން

32. ބައްދަލުވުންތަކަށް ސައި އަދި ކޮފީއަށް ސެކްޝަންތަކުން ރިކުއެސްޓުކުރުން

33. މަރާމާތާއި ގުޅުން ހުރި ކަންކަން އެދޭނެގޮތް ސެކްޝަންތަކަށް އެނގުން

34. ސެކްޝަނަކުން މުދަލަށް އެދުމަށްޓަކައި ޢަމަލުކުރާނެގޮތް

ސެކްޝަން: އިންފޮރމޭޝަން ސިސްޓަމްސް ސެކްޝަން

1. އެޕްލިކޭޝަން ޑިވެލޮޕް ކުރުން

2. އެޕްލިކޭޝަންތައް އަޕްޑޭޓް ކުރުން

3. އައު ސޮފްޓްވެއަރ ޑޭޓާބޭސްތައް ފަރުމާކުރުން.

4. ވޯޓުގެ ނަތީޖާ ޕްރޮސެސްކުރުމުގައި އިލެކްޓޯރަލް މެނޭޖްމަންޓް ސެކްޝަނަށް އެހީތެރިވުން.

5. މުވައްޒަފުން ތަމްރީނު ކުރުން

6. ޑޭޓާބޭސްތައް އަޕްޑޭޓް ކުރުން.

7. ވީއެސްއެމް އެޕްލިކޭޝަން ޑިޕްލޯއި ކުރުން

ޑިވިޜަން: ޕްލޭނިންގ އެންޑް ރެޖިސްޓްރޭޝަން ޑިވިޜަން

ސެކްޝަން: ރަޖިސްޓްރޭޝަން ސެކްޝަން

1. ސިޔާސީ ޕާޓީގެ ދަފްތަރުން މެންބަރުން ވަކިކުރުން.

2. ސިޔާސީ ޕާޓީގެ ދަފްތަރުގައި ރަޖިސްޓަރީ ކުރުން

3. ވޯޓު ދިނުމުގެ ޙައްޤު ލިބިފައިވާ މީހުންގެ ރަޖިސްރީ އެކުލަވާލުން

4. ރައްވެހިވެފައިވާ ރަށް ނޫން އެހެން ރަށެއްގައި ނުވަތަ ތަނެއްގައި ވޯޓު ދިނުމަށްޓަކައި ރަޖިސްޓަރީކުރުން

5. ރަޖިސްޓަރީވެފައިވާ ފޮށީގެ މައުލޫމާތު ހިމެނޭ ލިސްޓަށް ޝަކުވާ ހުށަހެޅުމަށް ފުރުޞަތު ހުޅުވާލުން

6. ވޯޓު ދިނުމުގެ ޙައްޤު ލިބިފައިވާ މީހުންގެ ފައިނަލް ރަޖިސްޓަރީ އާންމު ކުރުމާއި ލިސްޓު ޕްރިންޓްކުރުން

7. ވޯޓުނަގާ މަރުކަޒުތަކަށް ފޮނުވަންޖެހޭ ލިސްޓުތަކުގައި ކެންޑިޑޭޓުން ސޮއިކުރުން  

8. ކައުންސިލްތަކަށް މެންބަރުން އިންތިޚާބު ކުރަންޖެހޭ އަދަދު ކަނޑައަޅައި އާންމުކުރުން

9. ރައްޔިތުންގެ މަޖިލީހުގެ މެންބަރުންގެ ޢަދަދު ކަނޑައެޅުމާއި ރައްޔިތުންގެ މަޖިލީހުގެ އިންތިޚާބު ބޭއްވުމަށްޓަކައި ކޮންމެ އިދާރީ ދާއިރާއެއްގައި ހިމެނޭ އިންތިޚާބީ ދާއިރާތައް ކަނޑައެޅުމާއި އެ އިންތިޚާބީ ދާއިރާތަކުގެ ސަރަޙައްދުތައް ކަނަޑައެޅުން

10.  ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބުގައި ދަފްތަރު އާބާދީ ދާއިރާތަކަށް ބެހުން

11.  ދެވަނަ ބުރުގައި ވޯޓުލުމަށް ވޯޓު ދިނުމުގެ ޙައްޤު ލިބިފައިވާ މީހުންގެ ރަޖިސްރީ އެކުލަވާލުން

12.  ވޯޓާސް ލިސްޓުގައިވާ ގެތައް ސަރަޙައްދުތަކަށް ބެހުން

ސެކްޝަން: ޕްލޭނިންގ، ޕޮލިސީ އެންޑް ރިސާރޗް ސެކްޝަން

1. ކޮމިޝަންގެ ދިގު ރާސްތާ ޕްލޭން އެކުލަވާލުން

2. ކޮމިޝަންގެ ވާރކް ޕްލޭން އެކުލަވާލައި މޮނިޓަރކުރުން

3. ކޮމިޝަނުން ނިންމަވާ ނިންމެވުންތައް ސެކްޝަންތަކުން ތަންފީޒު ކުރަމުންދާ މިންވަރު ބަލާ މޮނިޓަރ ކުރުން

4. އިންތިޚާބުތަކުގެ ކަލަންޑަރު ތައްޔާރުކުރުން

5. އިންތިޚާބުތަކުގެ ތަފާސް ހިސާބު ރިޕޯޓު ތައްޔާރުކުރުން

6. އަހަރީ ރިޕޯޓު އެކުލަވާލުން

7. އިންތިޚާބުތަކުގެ ރިޕޯޓު އެކުލަވާލުން

ސެކްޝަން: ޕްރޮކިއުމަންޓް ސެކްޝަން

1. ސިޓީތަކަށް ޖަވާބު ދިނުން

2. -/35,000 (ތިރީސްފަހެއް ހާސް) ދިވެހި ރުފިޔާއަށް ވުރެ ދަށުން ހޯދަންޖެހޭ ޚިދުމަތާއި ތަކެތި ހޯދުން. 

3. -/35,000ރ (ތިރީސްފަސް ހާސް) ދިވެހި ރުފިޔާއިން ފެށިގެން -/5,000,000ރ (ފަސް މިލިއަން) ދިވެހި ރުފިޔާއާ ހަމައަށް އިޢުލާނުކޮށްގެން ހޯދަންޖެހޭ ތަކެތި ހޯދުން

4. ބިޑު ކޮމިޓީ ބައްދަލުވުން

5. އަތޮޅުތެރޭގެ ރަށްރަށަށް ކުރާ ދަތުރުތަކުގެ އެންމެހާ އިންތިޒާމްތަށް ހަމަޖެއްސުން  

6. ޕްރޮކިއުމަންޓް ޕްލޭން ތައްޔާރުކޮށް މާލީ ވުޒާރާއަށް ފޮނުވުން

ޑިވިޝަން: ހިއުމަން ރިސޯސް އެންޑް ފައިނޭންސް ޑިވިޝަން

ސެކްޝަން:  ޕަބްލިކް ރިލޭޝަންސް ސެކްޝަން

1. ބޭރަށް ފޮނުވަންޖެހޭ ލިޔެކިއުން/ތަކެތި ޑިސްޕެޗްކުރުން (ޑިސްޕެޗް ކުރާ ލިޔެކިޔުންތައް ޕަބްލިކް ރިލޭޝަން ސެކްޝަނާ ޙަވާލުކުރާ ފޯމު)

2. ޕަބްލިކް ރިލޭޝަންސް ސެކްޝަން ސެކްޝަނުން ޚިދުމަތަށް އެދޭ ފޯމް

3. ޕަބްލިކް ރިލޭޝަންސް ވަރުގަދަ ކުރުމަށް ކުރަންޖެހޭ މަސައްކަތްއް ރާވާ ކުރިއަށްގެންދިއުން

4. ކޮމިޝަނުގެ ސޯޝަލްމީޑިއާ އަދި އެހެނިހެން ކަންކަމަށް ބޭނުންވާ ތަކެތި ޑިޒައިން ކުރުމާއި ޓެމްޕްލޭޓް ތައްޔާރުކުރުން

5. ކޮމިޝަނުގެ އެހެނިހެން ސެކްޝަންތަކުގެ ރިކުއަރމެންޓަށް ބޭނުންވާ ތަކެތި ޑިޒައިން ކުރުމާއި ލޭއައުޓް ތައްޔާރުކުރުން

6. ކެންޑިޓުން، މަންދޫބުން، މޮނިޓަރުން، އޮފިޝަލުން، ޓާސްކްފޯރސް އަދި ކޮމިޝަނުގެ މުވައްޒަފުންގެ ކާޑުގެ އިތުރުން ކޮމިޝަނުން ކަނޑައަޅާ ކާޑުތައް ތައްޔާރުކުރުން

7. ކޮމިޝަނުން ޚަބަރު ފެތުރުމާ ގުޅޭގޮތުން، މީޑިއާތަކާ ގުޅިގެން ކުރަންޖެހޭ ކަންކަން

8. ކޮމިޝަނުން ޚަބަރު ފެތުރުމާ ގުޅޭގޮތުން، މީޑިއާތަކާ ގުޅިގެން ކުރަންޖެހޭ ކަންކަން

9. ކޮމިޝަނުން ބާއްވާ އެކިއެކި އިވެންޓުތަކުގެ ފޮޓޯ ކަވަރޭޖް ހަދައި ބެލެހެއްޓުން

10. ގެޒެޓް ކުރާ އިޢުލާނާ ގުޅޭ ޚަބަރު މީޑިއާތަކަށް ފޮނުވުން

11. ކޮމިޝަނުން އިންތިޒާމްކުރާ ނޫސް ކޮންފަރަންސްތަކުގެ އެންމެހައި ކަންކަން އިންތިޒާމްކުރުން

12. ކޮމިޝަނުން ޚަބަރު ފެތުރުމާ ގުޅޭގޮތުން، މީޑިއާތަކާ ގުޅިގެން ކުރަންޖެހޭ ކަންކަން

13. ކޮމިޝަންގެ ވެބްސައިޓަށް ކޮމިޝަންގެ ސެކްޝަންތަކުން ފޮނުވާ ކޮންޓެންޓް އަޕްލޯޑްކުރުން.

14. ދިވެހިރާއްޖޭގެ ގެޒެޓްގައި ކޮމިޝަނުންކުރާ އިއުލާންތައް ޝާއިއުކުރުމަށް ގެޒެޓްއަށް ފޮނުވުން

15. ކޮމިޝަނުން ޚަބަރު ފެތުރުމާ ގުޅޭގޮތުން، މީޑިއާތަކާ ގުޅިގެން ކުރަންޖެހޭ ކަންކަން

16. ކޮމިޝަނުން ނެރެންޖެހޭ ނޫސްބަޔާން، އިޢުލާން އަދި އީ-ނިއުސްލެޓަރ ތައްޔާރުކުރުކުރުމާއި ޢާންމުކުރުމަށް ކުރަންޖެހޭ އެންމެހާ މަސައްކަތް

17. ކޮމިޝަނުން އިންތިޚާބުތަކާ ގުޅިގެން މީޑިއާ ތަކުން ކެންޑިޑޭޓުންނާއި، ސިޔާސީ ޕާޓީތކަށް ފޯރުކޮށްދޭ ވަގުތަކީ ހަމަހަމަ އުސޫލުން ދެވޭ ވަގުތުތަކަށް ހެދުމަށް މީޑިއާތައް ރެގިއުލޭޓްކުރާ ފަރާތްތަކާއެކު މަޝްވަރާކުރުމާ ގުޅިގެން ކުރަންޖެހޭ ކަންކަން

18. ކޮމިޝަނުގެ ސޯޝަލް މީޑިއާތައް އަޕްޑޭޓް ކުރުމާއި ގުޅިގެން ކުރަންޖެހޭ ކަންކަން

19. ކޮމިޝަނަށް އަންނަ ފޯނު ކޯލު ތަކަށް ޖަވާބު ދާރީވުން

20. ކޮމިޝަނަށް އަންނަ ފޯނު ކޯލު ތަކަށް ޖަވާބު ދާރީވުން

21. ބޭރަށް ފޮނުވަންޖެހޭ ލިޔެކިއުން/ތަކެތި ޑިސްޕެޗްކުރުން

22. ކޮމިޝަނަށް އެކި ކަންކަމަށް (ބައްދަލުވުން، މަސައްކަތްތައް ކުރުމަށް) ބޭރުން ވަޑައިގަންނަވާ ފަރާތްތަކުން އަމަލުކުރާނޭ ގޮތް

23. ކޮމިޝަނަށް ލިބޭ ލިޔެކިޔުންތަކަށް އަމަލުކުރާނެ ގޮތް (އެހެން ސެކްޝަންތަކުން ފޮނުވާ)

24. ކޮމިޝަނަށް އެކި ފަރާތްތަކުން ފޮނުވާ ސިޓީ، ލިޔުން. ފަދަ ތަކެތި ބަލައިގަނެ އެ ތަކެތި ކަމާބެހޭ ސެކްޝަންތަކަށް ފޯރުކޮށްދީ އަދި އެ ތަކެތީގެ އަޕްޑޭޓް ކުރުން. 

ސެކްޝަން: ހިއުމަން ރިސޯސް މެނޭޖްމަންޓް ސެކްޝަން

1. ކޮމިޝަނުގެ މަޤާމުތަކަށް މީހުން ހޯދުން

2. ކޮމިޝަނުންގެ މުވައްޒަފުންގެ ވަޒީފާ އެއްބަސްވުމާއި ވަޒީފާ ބަޔާން ތައްޔާރުކުރުން

3. ވަޒީފާ ދިނުމާއި، މުވައްޒަފުން ވަޒީފާއިން ވަކިކުރުމާއި ވަޒީފާ ބަދަލު ކުރުމާބެހޭ އިދާރީ މަސައްކަތްތައް ކުރުމާއި އެކަމާބެހޭ ލިޔެކިޔުންބެލެހެއްޓުން

4. މަޤާމްތަކުގެ ރަޖިސްޓަރީ އަޕްޑޭޓްކޮށް ބެލެހެއްޓުން

5. ދާއިމީ މުވައްޒަފުންގެ ރަޖިސްޓަރީ އަޕްޑޭޓްކޮށް ބެލެހެއްޓުން.

6. ޕްރޮބޭޝަން މުއްދަތުގައި ތިބޭ މުވައްޒަފުން ދާއިމީކުރުމުގެ އިދާރީ މަސައްކަތް ކުރުން.

7. މަޤާމް އުފެއްދުމާއި މަޤާމް އުވާލުން

8. އިލެކްޝަންސް ކޮމިޝަނުގެ އިދާރީ އޮނިގަނޑު އަދާހަމަކޮށް ބެލެހެއްޓުން

9. އިންތިޚާބާ ގުޅިގެން އިލެކްޝަންސް ކޮމިޝަނުގެ އިދާރާގައި މަސައްކަތް ކުރުމަށް ނަގާ ވަގުތީ މުވައްޒަފުން ނެގުން (ޓްރެއިނަރުން، ކޯޑިނޭޓަރުން، މެނޭޖަރުން، ސުޕަވައިޒަރުން، ކޮންޕްލެއިންޓްސް ބިޔުރޯ މެންބަރުން، ސީނިއަރ އެޑްމިން އޮފިސަރުން، އައިޓީ ކޮންސަލްޓަންޓު، އެޑްމިނިސްޓްރޭޓިވް އޮފިސަރުން، ސެކިޔުރިޓީ އޮފިސަރުން... އަދި އެހެނިހެން ވަގުތީ މަޤާމްތައް)

10. ދާއިމީ މުވައްޒަފުންގެ ވަޒީފާ އެއްސެކްޝަނުން އަނެއް ސެކްޝަނަށް ބަދަލުކުރުން

11. ވަގުތީ މުވައްޒަފުންގެ އިޤުރާރު ތައްޔާރުކުރުމާއި އިޤުރާރުގެ މުއްދަތު އިތުރުކުރުމާ ބެހޭ އިދާރީ މަސައްކަތްތައް ބެލެހެއްޓުން.

12. ކޮމިޝަނުގެ މުވައްޒަފުންގެ ޙާޟިރީ ބެލެހެއްޓުން

13. މުވައްޒަފުންގެ ޕަރސަނަލް ފައިލް އަޕްޑޭޓްކޮށް ބެލެހެއްޓުން.

14. ކޮމިޝަނުގެ މުވައްޒަފުންގެ މުސާރަ ތައްޔާރުކުރުން

15. ކޮމިޝަނުގެ މުވައްޒަފުންގެ ޙާޟިރީ ބެލެހެއްޓުން

16. ކޮމިޝަނުގެ މުވައްޒަފުންގެ ޗުއްޓީ ބެލެހެއްޓުން

17. ކޮމިޝަނުގެ މުވައްޒަފުން ވަޒީފާގައި އުޅޭކަމުގެ ލިޔުން ތައްޔާރުކުރުން

18. ކޮމިޝަނުގެ މުވައްޒަފުންގެ މަސައްކަތުގެ ފެންވަރުބަލާ ފޯމު ފުރުން

19. އިންތިހާބުތަކަށް ވޯޓުލާ މަރުކަޒުތަކުގައި ހަރަކާތްތެރިވާނޭ އޮފިޝަލުން ހަމަޖެއްސުން

20. އިންތިޚާބުތަކާއި ގުޅިގެން ފޯކަލް ޕޮއިންޓުން ހަމަޖެއްސުން

21. އިންތިޚާބުތަކާ ގުޅިގެން އަތޮޅުތަކުން ނަގާ އަތޮޅު ކޮމްޕްލެއިންޓް ބިޔުރޯތައް ނެގުން.

22. ހިއުމަންރިސޯސް ސެކްޝަނަށް އަންނަ ލިޔެކިޔުންތައް ބެލެހެއްޓުން

23. އެޗް.އާރް ސެކްޝަނަށް އަންނަ ސިޓީ ތަކަށް ޖަވާބު ދިނުން.

24. އިސްލާޙީ ފިޔަވަޅު އެޅުން

25. ރިސެޕްޝަނަށް އަންނަ ވަޒީފާއަށް އެދޭ ފޯމް/ފޯމްތައް ބަލައިގަތުން.

އެޗް.އާރް ސެކްޝަނުން ވަޒީފާއަށް އެދޭ ފޯމް/ފޯމްތަކާއި ހަވާލުވުން.

26. އެމްޕްލޯއީ ވިތްހޯލްޑިންގ ޓެކްސްއަށް

27. މުވައްޒަފުން ފްލެކްސިބިލިޓީއަށް އެދުމާއި އެޓެންޑެންސް އެޖަސްޓްމެންޓް އެޅުން

28. ކޮމިޓީތަކަށް މެންބަރުން ހަމަޖެއްސުން

29. ހިއުމަން ރިސޯސް ޕެނަލްގެ ބައްދަލުވުން ބޭއްވުން

30. މުވައްޒަފުން އިތުރުގަޑީގައި މަސައްކަތްކުރުމަށް އެދުން

31. މުވައްޒަފުން ޗުއްޓީތަކަށް އެދުން

32. މުވައްޒަފުން ވަޒީފާ އަދާކުރާކަމުގެ ލިޔުން ހޯދަން އެދުން

33. ކޮމިޝަނުގެ ޓާސްކް ފޯސް އަދި ކޮންޓްރެކްޓް މަޤާމުތަކަށް މީހުން ހޯދުން

34. މުވައްޒަފުން ވަޒީފާއިން ވަކިކުރުމާއި މުވައްޒަފު އެދިގެން ވަޒީފާއިން ވަކިވުން

ސެކްޝަން: ފައިނޭންސް ސެކްޝަން

1. ކުރިއަށް އޮންނަ އަހަރަށް ލަފާކުރާ ބަޖެޓް ތައްޔާރުކުރުން

2. ކޮމިޝަނަށް އެއަހަރަކަށް ކަނޑައެޅޭ ބަޖެޓް ބެލެހެއްޓުން

3. ހޯދޭ މުދަލާއި ޚިދުމަތަށް އަގު އަދާކުރުން

4. ކޮމިޝަނަށް ލިބޭފައިސާ ބަލައިގަތުމާއި، ފައިސާ ޖަމާކުރުން

5. ތިޖޫރީގައި ބެހެއްޓޭ ފައިސާ ބެލެހެއްޓުން

6. ނިމުނު އަހަރުގެ މާލީ ހިސާބުތައް ތައްޔާރުކޮށް ކަމާބެހޭ ފަރާތަށް ހުށަހެޅުން

7. ދަތުރުތަކަށް ބޭނުންވާ ފައިސާ ނެގުމާއި ދޫކުރުން އަދި ދަތުރު ރިޕޯޓް ބެލެހެއްޓުން

8. ދައުލަތުގެ ބަޖެޓުން ސިޔާސީ ޕާޓީތަކަށް ކަނޑައެޅޭ ފައިސާ ދޫކުރުން

9. ކޮމިޝަނުގެ ދާއިމީ މުވައްޒަފުންނާއި، ކޮންޓްރެކްޓް ކުރެވޭ ވަގުތީ މުވައްޒަފުން، ފޯކަލް ޕޮއިންޓުން ވޯޓުފޮށީގެ އޮފިޝަލުންނަށް މުސާރަ އާއި އެލަވަންސް ފައިސާ ދޫކުރުން

10. ޕެޓީކޭޝް އިން ފައިސާ ދޫކުރުމާއި ބެލެހެއްޓުން

11. އިންތިޚާބުތަކަށް ކުރިމަތިލާ ކެންޑިޑޭޓުން ދައްކަންޖެހޭ ފައިސާ ބަލައިގަތުމާއި ޖަމާކުރުން

12. އިންތިޚާބުތަކާ ގުޅިގެން އަތޮޅުތަކުގައި ކުރަންޖެހޭ މަސައްކަތްތައް ކުރުމަށް ބޭނުންވާ ފައިސާ ފޮނުވުން

ޑިވިޜަން: އިލެކްޓޯރަލް މެނޭޖްމަންޓް ޑިވިޜަން

ސެކްޝަން: އިލެކްޓޯރަލް މެނޭޖްމަންޓް ސެކްޝަން

1. އިންތިޚާބަށް ކުރިމަތިލުމުގެ ފުރުޞަތު ހުޅުވާލުން

2. އިންތިޚާބަށް ކުރިމަތިލުމަށް އެދޭ ފަރާތްތަކަށް ފޯމު ދޫކުރުމާއި އިންތިޚާބަށް ކުރިމަތިލުމަށް ހުށަހެޅި ހުށަހެޅުންތައް ބަލައިގަނެ، ގޮތެއް ނިންމައި، ނިންމި ގޮތް ލިޔުމުން އެންގުން

3. ނަން އަނބުރާ ގެންދިއުން

4. އިންތިޚާބަށް ކުރިމަތިލާ ޝަރުޠު ހަމަވެފައިވާ ފަރާތްތަކުގެ ނަންތައް ތަރުތީބުކުރުމަށްޓަކައި ގުރުއަތުނެގުމާއި ނަންތައް ޢާންމުކުރުން

5. އިންތިޚާބުތަކަށް ގަނެގެން ގެންނަންޖެހޭ ތަކެތި ހޯދުން

6. ވޯޓުފޮށި ބަހައްޓާ ތަންތަން ހޯދައި އިޢުލާނުކުރުން

7. ވޯޓުކަރުދާސް ފަރުމާކުރުމާއި، ޗާޕުކުރުމާއި، ސްޓޮކްކުރުން

8. ވޯޓުކަރުދާސް ޗެކްކުރުން

9. ވޯޓުކަރުދާސް ބަންދުކުރުން

10. ވޯޓު ކަރުދާސް ޗާޕުކުރެވުނުގޮތުގެ ތަފްޞީލު އިޢުލާންކުރުން

11. އިންތިޚާބުތަކާ ގުޅިގެން ކުރަންޖެހޭ ދަތުރުފަތުރުގެ އިންތިޒާމްތަކާއި ރަށްރަށަށް ވަޑައިގަންނަވާ އޮފިޝަލުންގެ އެކޮމޮޑޭޝަން އަދި ކެއުން ބުއިމުގެ ކަންކަން ހަމަޖެއްސުން

12. ވޯޓު ނެގުމަށް ބޭނުންވާ އިދާރީ އަދި ސެކިއުރިޓީ ތަކެތި ބަންދުކޮށް ވޯޓުނަގާ މަރުކަޒުތަކަށް ފޮނުވުން

13. ވޯޓުނަގާ މަރުކަޒުތަކަށް ބޭނުންވާ ވަޞީލަތްތައް ހަމަކޮށް މަރުކަޒުތައް ވޯޓުނެގޭގޮތަށް ތައްޔާރުކުރުން

14. ވޯޓުނަގާ ދުވަހު މާލެ ސަރަހައްދުގައި ހުންނަ މަރުކަޒުތަކަށް ވޯޓުނެގުން ކުރިޔަށް ގެންދިއުމަށް ބޭނުންވާ ތަކެއްޗާއެކު އޮފިޝަލުން ފޮނުވުން

15. ކޯޑިނޭޝަން ސެންޓަރު

16. ވޯޓުނަގާ ނިމުމުން ވޯޓުނަގަން ބޭނުންކުރި އިދާރީ އަދި ސެކިއުރިޓީ ސާމާނާއި ހަވާލުވުން

17. ރަސްމީ ނަތީޖާ އާންމުކުރުމަށްޓަކައި އިޢުލާން ތައްޔާރުކުރުން

18. އިންތިޚާބުތަކުގައި ވޯޓު ނެގުމާއި، ވޯޓު ގުނުމުގެ ކަންތައްތައް ހިނގާގޮތް ބެލުމަށް ޝައުޤުވެރިވާ ކެންޑިޑޭޓުންގެ މަންދޫބުންނަށް ވުމަށް އެދޭ ފަރާތްތައް އެކްރެޑިޓް ކުރުމަށްފަހު ފާސް ދޫކުރުން

19. ވަގުތީ އަދި ރަސްމީ ނަތީޖާ ޕްރޮސެސް ކުރިއަށް ގެންދަންވީގޮތް

20. އިންތިޚާބުގައި ވާދަކުރި ކެންޑިޑޭޓުންގެ މާލީ ބަޔާންތައް ބަލައިގަނެ ގާނޫނުގައި ބަޔާންކޮށްފައިވާ ގޮތަށް ފެތޭ މާލީ ބަޔާނެއްތޯ ބަލައި ކޮމިޝަނަށް މައުލޫމާތު ހިއްސާކުރުން

ސެކްޝަން: ސިވިކް އެޑިއުކޭޝަން އެންޑްޓްރޭނިންގ ސެކްޝަން

1. ޓްރޭނިންގ ނީޑް އެނަލިސިސް އަދި ޓްރޭނިންގ ރިކުއަރމެންޓް ހެދުން

2. އިންހައުސްކޮށް އަދި ރާއްޖޭގެ އިންސްޓިއުޝަންއަަކަށް ފޮނުވައިގެން ސްޓާފް ޑެވެލޮޕްމެންޓް ޕްރޮގްރާމް ހިންގުން

3. ރާއްޖެއިން ބޭރުން ލިބޭ ތަމްރީން ޕްރޮގްރާމްތަކުގައި މުވައްޒަފުން ބައިވެރިވުން

4. ސިވިކް އެޑިއުކޭޝަން އެންޑް ޓްރެއިނިންގ ސެކްޝަންގެ ޚިދުމަތަށް އެދޭ ފޯމު

5. ކޮމިޝަނުގެ ސެކްޝަންތަކުގެ ރިކުއަރމެންޓަށް ބޭނުންވާ ތަކެތި އިންޓަރނަލީ ޕްރިންޓް ކުރުން

6. ކޮމިޝަނުގެ ސެކްޝަންތަކުގެ ރިކުއަރމެންޓަށް ބޭނުންވާ ތަކެތި އައުޓްސޯސްކޮށް ޕްރިންޓް ކުރުން

7. އިންތިޚާބުތަކާ ގުޅިގެން ކޮމިޝަނުން އެވެއަރނަސް ޕްރޮގްރާމްތައް ހިންގުން

8. އެވެއަރނަސް ހިންގުން

6. ރަޖިސްޓްރޭޝަން ސެކްޝަނުގެ ކޮންޓްރެކްޓް މުވައްޒަފުންގެ ތެރެއިން، ދެ މުވައްޒަފުން ދޫކޮށްލުމާގުޅޭ.

ކޮމިޝަނުގެ ޚަރަދު ކުޑަކުރުމަށްޓަކައި ރައީސުލްޖުމްހޫރިއްޔާގެ އޮފީހުގެ ނަންބަރ: 1-POL(PRA)/38/2024/10ސިޓީއާ ގުޅިގެން، ކޮންޓްރެކްޓް މުވައްޒަފުންގެ ޢަދަދު މަދުކުރުމަށް ކޮމިޝަނުގެ 837 ވަނަ ޢާންމު ޖަލްސާގައި ނިންމަވާފައިވާތީ،  ރަޖިސްޓްރޭޝަން ސެކްޝަނުގައި މަސައްކަތްކުރާ 6 މުވައްޒަފުންގެ ތެރެއިން، އޮފިސަރ ލަމްޔާ ޒާދީ (A335783) އަދި އޮފިސަރ އާމިނަތު ފަރުހާނާ (A342857)، ދޫކޮށްލުމަށް ރަޖިސްޓްރޭޝަން ސެކްޝަނުން ހިއުމަން ރިސޯސް މެނޭޖްމަންޓް ސެކްޝަނަށް އަންގަވާފައިވާތީ، ކޮމިޝަނުގެ ގަވައިދުގައި ބަޔާންކޮށްފައިވާ ގޮތުގެމަތީން މި ދެ މުވައްޒަފުންނަށް ނޯޓިސް ދިނުމަށްފަހު، ކޮމިޝަނުގެ ވަޒީފާއިން ދޫކުރުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

7. ރައްޔިތުންގެ މަޖިލީހުގެ އިންތިޚާބު 2024 އާ ގުޅިގެން ޤައުމީ ކޮންޕްލެއިންޓްސް ބިއުރޯއަށް ހުށަހެޅިފައިވާ ދެ މައްސަލައެއް އިތުރަށް ތަހްގީގުކުރުމަށްފަހު ޕްރޮސިކިއުޓަރ ޖެނެރަލްގެ އޮފީހަށް ފޮނުވުމާގުޅޭ.

ރައްޔިތުންގެ މަޖިލީހުގެ އިންތިޚާބު 2024 އާ ގުޅިގެން، ޤައުމީ ކޮންޕްލެއިންޓްސް ބިއުރޯއަށް ހުށަހެޅިފައިވާ 72 މައްސަލައިގެ ތެރެއިން، 2 މައްސަލައަކީ، ވޯޓު ކަރުދާސް ދެއްކުމާ ގުޅޭ 2 މައްސަލައެއް ކަމަށްވާތީއާއި، ޤާނޫނު ނަންބަރު 11/2008 (އިންތިޚާބުތަކާބެހޭ ޢާންމު ޤާނޫނު) ގެ 74 ވަނަ މާއްދާގެ (ހ) ގެ 27 ވަނަ ނަންބަރުގައި ވޯޓު ކަރުދާސް ދެއްކުމަކީ ކުށެއް ކަމަށްވާތީ، މި ދެ މައްސަލަ އިތުރަށް ތަހްގީގުކުރުމަށްފަހު ޕްރޮސިކިއުޓަރ ޖެނެރަލްގެ އޮފީހަށް ފޮނުވުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

8. މޯލްޑިވްސް ރިފޯމް މޫވްމަންޓް (އެމް.އާރް.އެމް) އަށް ޤާނޫނު ލާޒިމުކުރާ 3000 (ތިންހާސް) މެންބަރުން ހަމަކުރުމަށް 2024 މާރިޗު 07 ގައި ދީފައިވާ ނޯޓިސް 2024 ޖޫން 07 ގައި ހަމަވެފައިވާއިރު އެމް.އާރު.އެމްއަށް ޤާނޫނު ލާޒިމުކުރާ ޢަދަދަށް މެންބަރުން ހަމަވެފައިނުވާތީ، ޤާނޫނު ނަންބަރު 2023/4 (ސިޔާސީ ޕާޓީގެ ޤާނޫނު) ގެ 30 ވަނަ މާއްދާގެ ދަށުން އެ ޕާޓީ އުވާލުމަށްޓަކައި އިދާރީ ގޮތުން ފުރިހަމަކުރަންޖެހޭ ކަންކަން ފުރިހަމަކުރުމާގުޅޭ.

މޯލްޑިވްސް ރިފޯމް މޫވްމަންޓް (އެމް.އާރް.އެމް) އަށް ޤާނޫނު ލާޒިމުކުރާ 3000 (ތިންހާސް) މެންބަރުން ހަމަކުރުމަށް 2024 މާރިޗު 07 ގައި ދީފައިވާ ނޯޓިސް 2024 ޖޫން 07 ގައި ހަމަވެފައިވާއިރު އެމް.އާރު.އެމްއަށް ޤާނޫނު ލާޒިމުކުރާ ޢަދަދަށް މެންބަރުން ހަމަވެފައިނުވާތީ، ޤާނޫނު ނަންބަރު 2023/4 (ސިޔާސީ ޕާޓީގެ ޤާނޫނު) ގެ 30 ވަނަ މާއްދާގެ ދަށުން އެ ޕާޓީ އުވާލެވޭނެ ކަމަށް ބަޔާންކޮށް ލީގަލް އެންޑް ޕޮލިޓިކަލް ޕާޓީ ރެގިއުލޭޝަން ސެކްޝަނުން ކޮމިޝަނަށް ހުށަހަޅުއްވާފައިވާ ޤާނޫނީ ލަފައާ އެއްގޮތަށް، އެމް.އާރު.އެމް އުވާލުމަށްޓަކައި އިދާރީ ގޮތުން ފުރިހަމަކުރަންޖެހޭ ކަންކަން ފުރިހަމަކޮށް ކޮމިޝަނަށް ހުށަހެޅުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

9. އިލެކްޝަންސް ކޮމިޝަނުގެ ގަވައިދަށް 10 ވަނަ އިޞްލާޙު ގެނައުމުގެ ގަވައިދާ ގުޅޭ.

ލީގަލް އެންޑް ޕޮލިޓިކަލް ޕާޓީ ރެގިއުލޭޝަން ސެކްޝަނުން ހުށަހަޅުއްވާ ފަދައިން، އިލެކްޝަންސް ކޮމިޝަނުގެ ގަވާއިދަށް 10 ވަނަ އިޞްލާހް ގެނައުމުގެ ގަވައިދު ފާސްކުރެއްވުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

އިލެކްޝަންސް ކޮމިޝަނުގެ ގަވާއިދަށް 10 ވަނަ އިޞްލާހްގައި ހިމެނޭ ކަންކަން.

· ބަލިވެއިނުމާއި ވިހެއުމާއި ގުޅިގެން ކޮމިޝަނުގެ އަންހެން މުވައްޒަފުންނަށް، މުސާރަ ލިބޭގޮތަށް 90 ދުވަހުގެ ޗުއްޓީއެއް ދިނުމާއި، ކޮމިޝަނުގެ ފިރިހެން މުވައްޒަފަކަށް ދަރިއަކު ލިބޭ ދުވަހުން ފެށިގެން މުސާރަ ލިބޭގޮތަށް 15 ދުވަހުގެ ޗުއްޓީއެއް ދިނުމާއި، އަދި މި ދުވަސްތައް ގުނަންވާނީ ބަންދު ދުވަސްތައް ނުހިމެނޭހެން ކަމުގައި އިލެކްޝަންސް ކޮމިޝަނުގެ 790 ވަނަ އާންމު ޖަލްސާގައި ނިންމަވާފައިވީނަމަވެސް، އިލެކްޝަންސް ކޮމިޝަނުގެ ގަވާއިދަށް 07 ވަނަ އިޞްލާޙު ގެނަމުގެ ގަވައިދު ސަރުކާރުގެ ގެޒެޓުގައި ޝާޢީއުކޮށްފައިވަނީ ބަންދު ދުވަސްތައް ހިމަނައިގެން ކަމުގައިވާތީ، އެކަން އިޞްލާޙުކުރުން.

· ސަޕޯޓް ސަރވިސް ކެޓަގަރީގެ މަޤާމުތަކަށް އިޢުލާނުކުރާއިރު ޢުމުރުފުރާގެ ގޮތުގައި 1818 (އަށާރަ) އަހަރާއި 60 (ފަސްދޮޅަސް) އަހަރާ ދެމެދުގެ ފަރާތްތަކަށް ކުރިމަތިލެވޭ ވަޒީފާއެއްކަން ބަޔާންކުރުމާއި، ސަޕޯޓް ސަރވިސް ކެޓަގަރީގެ މަޤާމުތަކަށް  އިޢުލާނުކުރާއިރު އިތުރު ޝަރުތެއްގެ ގޮތުގައި "ސިއްޙީ ގޮތުން ދުޅަހެޔޮ ފަރާތެއް ކަމުގައިވުން" މި ފަދައިން ބަޔާންކުރުމަށްވެސް ކޮމިޝަނުގެ 838 ވަނަ ޢާންމު ޖަލްސާގައި ނިންމަވާފައިވާތީ، މި ނިންމެވުން ގަވައިދަށް އިތުރުކުރުން. 

10. ތިރީގައި ބަޔާންކޮށްފައިވާ ލޯކަލް ކައުންސިލް އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ ބައި-އިލެކްޝަތައް ބާއްވާނެ ތާރީޚާގުޅޭ.

ލޯކަލް ކައުންސިލް އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ ބައި-އިލެކްޝަންތައް، 2024 ސެޕްޓެންބަރު 14 ވާ ހޮނިހިރު ދުވަހު ބޭއްވުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ. 

• ލޯކަލް ކައުންސިލް އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީއިން އިސްތިޢުފާދީފައިވާ ދާއިރާތައް އެޓޭޗްކުރެވިފައި
  
  

11. އަޒަރުބައިޖާންގެ ބާކޫގައި، 2024 އޮގަސްޓު 30 އިން ސެޕްޓެންބަރު 02 އަށް ބޭއްވުމަށް ހަމަޖެހިފައިވާ، "އާރލީ އިލެކްޝަންސް ޓު ދަ މިލިމަޖިލިސް" އޮބްޒާވްކުރެއްވުމުގެ ދަޢުވަތާ ގުޅިގެން، ކޮމިޝަނުގެ 837 ވަނަ ޢާންމު ޖަލްސާގައި ނިންމަވާފައިވާ ގޮތުގެމަތީން ކޮމިޝަނަށް އިތުރު ޖާގައެއް ލިބިފައިވާތީ، އެކަމާ ގުޅޭ.

އަޒަރުބައިޖާންގެ ބާކޫގައި، 2024 އޮގަސްޓު 30 އިން ސެޕްޓެންބަރު 02 އަށް ބޭއްވުމަށް ހަމަޖެހިފައިވާ، "އާރލީ އިލެކްޝަންސް ޓު ދަ މިލިމަޖިލިސް" އޮބްޒާވް ކުރެއްވުމުގެ ދަޢުވަތާ ގުޅިގެން، ކޮމިޝަނުގެ 837 ވަނަ ޢާންމު ޖަލްސާގައި ނިންމަވާފައިވާ ގޮތުގެމަތީން ކޮމިޝަނަށް އިތުރު ޖާގައެއް ލިބިފައިވާތީ، "އާރލީ އިލެކްޝަންސް ޓު ދަ މިލިމަޖިލިސް" އޮބްޒާވް ކުރެއްވުމަށްޓަކައި، ނައިބު ރައީސް ޢަލީ ނަޝާޠު، ކޮމިޝަން މެންބަރ ޙަސަން ޒަކަރިއްޔާގެ އަރިހުގައި، ލީގަލް އެންޑް ޕޮލިޓިކަލް ޕާޓީ ރެގިއުލޭޝަން ސެކްޝަންގެ ޑިރެކްޓަރ އަލްއުސްތާޛާ ޢާއިޝަތު ސުމައިނާ ވަޑައިގެންނެވުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

12. ނޭޕާލްގެ ކަތަމަންޑޫގައި، 2024 ސެޕްޓެންބަރ 04 އިން 05 އަށް ބޭއްވުމަށް ހަމަޖެހިފައިވާ، ފޯރަމް އޮފް އިލެކްޝަން މެނޭޖްމަންޓް ބޮޑީސް އޮފް ސައުތު އޭޝިއާ (ފެންބޯސާ) ގެ 12 ވަނަ އަހަރީ ބައްދަލުވުމާ ގުޅޭ.

ނޭޕާލްގެ ކަތަމަންޑޫގައި، 2024 ސެޕްޓެންބަރ 04 އިން 05 އަށް ބޭއްވުމަށް ހަމަޖެހިފައިވާ، ފޯރަމް އޮފް އިލެކްޝަން މެނޭޖްމަންޓް ބޮޑީސް އޮފް ސައުތު އޭޝިއާ (ފެންބޯސާ) ގެ 12 ވަނަ އަހަރީ ބައްދަލުވުމުގައި، ކޮމިޝަނުގެ ރައީސް ފުއާދު ތައުފީޤް އަދި އަރިހުގައި ފައިނޭންސް ސެކްޝަންގެ އެސިސްޓެންޓް ޑިރެކްޓަރ އަބްދުލް ޙަސީބް އިސްމާޢީލް ބައިވެރިވެ ވަޑައިގަތުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

13. ރަޝިއާގެ މޮސްކޯ އަދި ޕީޓަރސްބަރގް ސްޓޭޓްގައި،2024  ސެޕްޓެންބަރ 05 އިން 09 އަށް ބޭއްވުމަށް ހަމަޖެހިފައިވާ، "ސެންޓްރަލް އިލެކްޝަންސް ކޮމިޝަން އޮފް ދަ ރަޝިއަން ފެޑެރޭޝަން ސިންގަލް ޑޭ ވޯޓިންގ" އާ ގުޅޭ.

ރަޝިއާގެ މޮސްކޯ އަދި ޕީޓަރސްބަރގް ސްޓޭޓްގައި،2024  ސެޕްޓެންބަރ 05 އިން 09 އަށް ބޭއްވުމަށް ހަމަޖެހިފައިވާ، "ސެންޓްރަލް އިލެކްޝަންސް ކޮމިޝަން އޮފް ދަ ރަޝިއަން ފެޑެރޭޝަން ސިންގަލް ޑޭ ވޯޓިންގ" އާ ގުޅޭގޮތުން، ދަ ސެންޓްރަލް އިލެކްޝަންސް ކޮމިޝަން އޮފް ދަ ރަޝިއަން ފެޑެރޭޝަން އިން ފޮނުއްވާފައިވާ ދަޢުވަތާ ގުޅިގެން، ކޮމިޝަނުގެ ނައިބު ރައީސް ޢަލީ ނަޝާޠު އަދި ކޮމިޝަނުގެ މެންބަރ ޙަސަން ޒަކަރިއްޔާ މި ދަތުރުގައި ބައިވެރިވެ ވަޑައިގަތުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

މި ނިންމެވުމާއި ގުޅިގެން، މި ދަތުރުގައި، އިލެކްޝަންސް ކޮމިޝަނާއި އިލެކްޝަންސް ކޮމިޝަން އޮފް ދަ ރަޝިއަން ފެޑެރޭޝަނާ ދެމެދު އެމް.އޯ.ޔޫގައި ސޮއިކުރެއްވުމަށްޓަކައި އެ މަސައްކަތްތައް އިދާރީ ގޮތުން ފުރިހަމަކުރެއްވުމާއި، އެމް.އޯ.ޔޫގައި ސޮެއިކުރައްވާނަމަ، އިތުރު ދެ ޖާގައެއް ހޯއްދެއްވުމަށާއި، އަދި އެކަމާ ގުޅޭގޮތުން ގޮތެއް ނިންމެވުމަށް ކޮމިޝަނަށް ހުށަހެޅުއްވުމަށްވެސް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

14. ސިންގަޕޫރުގައި، 2024 ސެޕްޓެންބަރު 24 އިން 26 އަށް، ބޭއްވުމަށް ހަމަޖެހިފައިވާ ސައިބަރ އެންޑް އިންފޮމޭޝަން ރެސިލިއަންސް އިލެކްޝަން ނެޓްވަރކް (ސައިރެން) އާ ގުޅޭގޮތުން، އިންޓަރނޭޝަނަލް ފައުންޑޭޝަން ފޯ އިލެކްޓޯރަލް ސިސްޓްމަސް (އައި.އެފް.އީ.އެސް) އިން ފޮނުއްވާފައިވާ ދަޢުވަތާގުޅޭ.

ސިންގަޕޫރުގައި، 2024 ސެޕްޓެންބަރު 24 އިން 26 އަށް، ބޭއްވުމަށް ހަމަޖެހިފައިވާ ސައިބަރ އެންޑް އިންފޮމޭޝަން ރެސިލިއަންސް އިލެކްޝަން ނެޓްވަރކް (ސައިރެން) އާ ގުޅޭގޮތުން، އިންޓަރނޭޝަނަލް ފައުންޑޭޝަން ފޯ އިލެކްޓޯރަލް ސިސްޓްމަސް (އައި.އެފް.އީ.އެސް) އިން ފޮނުއްވާފައިވާ ދަޢުވަތާ ގުޅިގެން، މި ދަޢުވަތު ޤަބޫލުކޮށް ކޮމިޝަނުގެ ފަރާތުން ކޮމިޝަނުގެ ރައީސް ފުއާދު ތައުފީޤް އަދި ޑިރެކްޓަރ މުޙައްމަދު އަނީލް މި ދަތުރުގައި ބައިވެރިވެ ވަޑައިގަތުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

15. ކޮލަމްބިއާގެ ބޮގޮޓާގައި، 2024 އޮކްޓޫބަރ 21 އިން 25 އަށް ބޭއްވުމަށް ހަމަޖެހިފައިވާ، އެސޯސިއޭޝަން އޮފް ވާލޑް އިލެކްޝަން މެނޭޖްމަންޓް ބޮޑީސް (އޭވެބް) ގެ 6 ވަނަ ޖެނެރަލް އެސެންބްލީ އަދި އެގްޒެކެޓިވް ބޯޑު މީޓީންގ އާ ގުޅޭ.

ކޮލަމްބިއާގެ ބޮގޮޓާގައި، 2024 އޮކްޓޫބަރ 21 އިން 25 އަށް ބޭއްވުމަށް ހަމަޖެހިފައިވާ، އެސޯސިއޭޝަން އޮފް ވާލޑް އިލެކްޝަން މެނޭޖްމަންޓް ބޮޑީސް (އޭވެބް) ގެ 6 ވަނަ ޖެނެރަލް އެސެންބްލީ އަދި އެގްޒެކެޓިވް ބޯޑު މީޓީންގ އާ ގުޅޭގޮތުން، އޭވެބް އަދި ނޭޝަނަލް ސިވިލް ރެޖިސްޓަރީ އޮފް ކޮލޮމްބިއާ އިން ފޮނުއްވާފައިވާ ދަޢުވަތާ ގުޅިގެން، ކޮމިޝަނުގެ މެންބަރ ޑޮކްޓަރު މުޙައްމަދު ޒާހިރު އަދި ކޮމިޝަނުގެ މެންބަރ މުޙައްމަދު ޢާޞިފް މި ދަތުރުގައި ބައިވެރިވެ ވަޑައިގެންނެވުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.

16. 2023ވަނަ އަހަރު އިންޓާނަލް އޮޑިޓަރ ޝަހުލާ ރުޝްދީގެ އެޕްރައިޒަލް ފޯމު އެންޑޯސްކުރެއްވުން.

2023 ވަނަ އަހަރު އިންޓާނަލް އޮޑިޓަރ ޝަހުލާ ރުޝްދީގެ އެޕްރައިޒަލް ފޯމު އެންޑޯޒް ކުރުމަށް، ކޮމިޝަނުގެ 838 ވަނަ ޢާންމު ޖަލްސާގައި ވަނީ ނިންމަވާފައެވެ.